Ватыканская газета «L’Osservatore Romano» прадставіла новую інтэрнэт-версію выдання. З 19 красавіка (якраз у шостую гадавіну абрання Бэнэдыкта XVI) яна стала даступна па адрасе www.osservatoreromano.va.

Штодня на старонцы можна азнаёміцца з інфармацыяй на італьянскай мове. Штотыднёвыя версіі будуць з’яўляцца на італьянскай, англійскай, французскай, іспанскай і партугальскай мове, а таксама па-польску раз на месяц.

Інфармацыя на сайце падаецца ў наступных раздзелах: «Ватыкан», «Міжнародныя навіны», «Культура», «Рэлігія»,  «Інтэрв’ю», «Рэдакцыя».

Газета «L’Osservatore Romano» існуе з 1861 г.