Імкнуцца да таго, каб жыццё вернікаў было сведчаннем Божай любові, заахвоціў Святы Айцец Францішак. «Будзем прасіць Пана дапамагчы нам сведчыць аб Яго міласэрнасці і любові ў кожнай рэальнасці нашага хрысціянскага жыцця», — так гучыць новы запіс у папскім профілі ў «Твітэры», які з’явіўся 6 мая.

Важнасць малітвы ў сям’і падкрэсліў Святы Айцец Францішак. «Было б цудоўна на працягу мая разам маліцца Ружанец у сем’ях. Малітва робіць мацнейшым сямейнае жыццё», — так гучыць запіс Пантыфіка ў «Твітэры», які з’явіўся 3 мая.

Новы запіс у «Твітэры» 2 мая папа Францішак прысвяціў тым, хто пакутуе з прычыны адсутнасці працы. «Скіроўваю свае думкі да ўсіх, хто з’яўляецца беспрацоўнымі, часта ў выніку эгаістычнай ментальнасці, якая шукае прыбытку любым коштам», — так гучаць словы Святога Айца.

Да профілю Папы ў «Твітэры» далучыліся больш за 6 мільёнаў карыстальнікаў. На працягу 48 дзён з пачатку Пантыфікату Святога Айца Францішка колькасць «сяброў» Папы ў гэтай сацыяльнай сетцы павялічылася на 2 мільёны 700 чалавек.

25 красавіка з’явіўся новы запіс Святога Айца Францішка ў «Твітэры». «У наш час крызісу важна не замкнуцца ў сабе, а хутчэй быць адкрытымі і ўважлівымі да іншых», — так гучыць запіс у папскім профілі.

24 красавіка з’явіўся новы запіс у профілі папы Францішка ў «Твітэры». «Давайце будзем трымаць полымя веры жывым праз малітву і сакрамэнты: давайце ўпэўнімся ў тым, што мы не забываем Бога», — так гучаць словы Пантыфіка.

22 красавіка ў профілі Святога Айца ў «Твітэры» з’явіліся новыя запісы. «Кожны з нас прагне любові, праўды, жыцця — і Езус з’яўляецца ўсімі гэтымі рэчамі ў паўнаце!» — так гучыць першы запіс.

21 красавіка з’явіўся новы запіс у профілі Святога Айца Францішка ў «Твітэры» «„Авечкі Мае слухаюць голасу Майго, і Я ведаю іх“. Голас Езуса ўнікальны! Ён накіроўвае нас на шлях жыцця», — так гучаць словы Папы.

17 красавіка ў профілі Святога Айца Францішка ў «Твітэры» з’явіліся новыя запісы. «Унебаўшэсце Езуса не азначае Яго адсутнасці, але азначае, што Ён прысутнічае сярод нас новым чынам, побач з кожным з нас», — так гучыць першы запіс.

14 красавіка ў профілі папы Францішка ў «Твітэры» з’явіліся новыя запісы. «Не будзем забывацца: калі мы абвяшчаем Евангелле Езуса, наша жыццё павінна быць сведчаннем гэтага», — так гучыць першы запіс.

10 красавіка, пасля агульнай аўдыенцыі, у профілі папы Францішка ў «Твітэры» з’явіліся новыя запісы. «Быць хрысціянамі — значыць не толькі выконваць запаведзі: гэта значыць дазволіць Хрысту авалодаць нашым жыццём і перамяніць яго», — так гучыць першы з запісаў.

7 красавіка, у дзень інгрэсу Святога Айца Францішка на рымскую кафедру, у профілі Папы ў «Твітэры» з’явіўся новы запіс. «Які цудоўны позірк, што звяртае на нас Езус, — ён поўны пяшчоты! Не будзем жа ніколі губляць веры ў цярплівасць і міласэрнасць Бога», — так гучаць словы Пантыфіка.

«Бог любіць нас. Мы не павінны баяцца любіць Яго. Вера вызнаецца вуснамі і сэрцам, словам і любоўю», — так гучыць новы запіс у профілі папы Францішка ў «Твітэры».

31 сакавіка, у нядзелю Уваскрасення Пана, на профілі папы Францішка ў «Твітэры» з’явіўся новы запіс. «Прымі Уваскрослага Езуса ў сваё жыццё. Калі ты быў далёка, зрабі маленькі крок да Яго: Ён чакае цябе з раскрытымі абдымкамі», — так гучаць словы Святога Айца.

28 сакавіка, пасля Імшы Хрызмы, папа Францішак скіраваў да вернікаў новы зварот на сваім профілі ў «Твітэры». «Падтрымлівайце вашых святароў з любоўю і малітвамі, каб яны маглі заўсёды быць пастырамі паводле Хрыстовага сэрца», — так гучыць запіс Пантыфіка.

Пасля першай агульнай аўдыенцыі папы Францішка 27 сакавіка на папскім профілі ў «Твітэры» з’явіліся два новыя запісы. «Быць пры Езусе патрабуе выхаду з саміх сябе, са змучанага і руціннага жыцця веры», — гаворыцца ў першым.

24 сакавіка адразу пасля заканчэння літургіі Пальмовай нядзелі папа Францішак звярнуўся да вернікаў у «Твітэры». «З радасцю чакаю ліпеня гэтага года ў Рыа-дэ-Жанэйра! Я спадзяюся ўбачыць усіх вас у гэтым вялікім бразільскім горадзе!» — такім быў першы сённяшні запіс Святога Айца.

Ужо больш за 4 мільёны чалавек чытаюць папскі профіль у «Твітэры». З 17 сакавіка, калі там з’явіўся першы запіс папы Францішка, гэтая колькасць узрасла больш чым на 720 тысяч чалавек.

На папскім профілі ў «Твітэры» прыводзяцца фрагменты з гаміліі папы Францішка, прамоўленай падчас урачыстай інаўгурацыйнай святой Імшы 19 сакавіка. Цырымонія інаўгурацыі распачалася сёння ў 9.30 па італьянскім часе.

Праз некалькі хвілін пасля нядзельнай малітвы «Анёл Панскі» 17 сакавіка папа Францішак апублікаваў у «Твітэры» свой першы запіс. «Cari amici vi ringrazio di cuore e vi chiedo di continuare a pregare per me. Papa Francesco» («Дарагія сябры, ад усяго сэрца вам дзякую і прашу вас працягваць маліцца за мяне. Папа Францішак»), — напісаў Пантыфік.