24 красавіка з’явіўся новы запіс у профілі папы Францішка ў «Твітэры». «Давайце будзем трымаць полымя веры жывым праз малітву і сакрамэнты: давайце ўпэўнімся ў тым, што мы не забываем Бога», — так гучаць словы Пантыфіка.

Падчас жа сённяшняй агульнай аўдыенцыі Святы Айцец заклікаў памятаць, што чалавек збаўляецца дзякуючы ласцы, «праз акт бескарыснай любові Бога», які заўсёды папярэднічае нашай любові, а «самі мы не можам нічога». «Але, каб прыносіць плёны, Божая ласка патрабуе нашай пастаяннай адкрытасці на Яго, нашага свабоднага і канкрэтнага адказу», — дадаў Пантыфік.

(AG)