«У гэты асаблівы момант прашу вас маліцца за мяне і за Касцёл, давяраючы, як заўсёды, Божаму Провіду», — напісаў 24 лютага ў «Твітэры» Святы Айцец Бэнэдыкт XVI. Гэта быў адзін з апошніх запісаў Папы на сваёй старонцы ў інтэрнэце.

Як паінфармаваў сакратар Папскай рады па сродках масавай камунікацыі кс. прэлат Пол Тай, у перыяд sede vacante на папскім профілі ў «Твітэры» не будзе размяшчацца новых запісаў. Аб гэтым паведаміла Ватыканскае радыё.

(AG)