На інаўгурацыю Папы прыбудуць дэлегацыі прыблізна 180 дзяржаў |
Святы Айцец |
16.03.2013 17:02 |
Плануецца, што на цырымонію інаўгурацыі новаабранага папы Францішка прыбудуць у Апостальскую Сталіцу дэлегацыі прыблізна 180 дзяржаў. Літургія з гэтай нагоды распачнецца на плошчы Св. Пятра 19 сакавіка, ва ўрачыстасць св. Юзафа, у 9.30 па італьянскім часе. 15 сакавіка на сустрэчы з журналістамі кіраўнік Прэс-службы Апостальскай Сталіцы кс. Фэдэрыка Ламбардзі адзначыў, што Ватыкан не запрашае спецыяльна на інаўгурацыю Папы, а толькі інфармуе ўсіх аб гэтай падзеі. У той жа час Святы Пасад будзе рады вітаць усе дэлегацыі, у тым ліку дзяржаў, якія не падтрымліваюць дыпламатычных адносінаў з Апостальскай Сталіцай. (AG) |