27 сакавіка Транспартнае агенцтва Рыма выпусціць у абарот больш за 1 мільён білетаў на гарадскі транспарт з выявай папы Францішка, на якой ён вітае вернікаў з балкона ватыканскай базылікі адразу пасля абрання на Пасад св. Пятра.

Як адзначыў мэр Рыма Джані Алемана, дадзенай ініцыятывай улады горада жадаюць прывітаць новага Пантыфіка і скласці пажаданні плённага служэння. «Мы спадзяёмся, што папа Францішак, які як арцыбіскуп Буэнас-Айрэса любіў карыстацца метро, зробіць тое ж і ў нашым горадзе», — прыводзіць словы Джані Алемана Ватыканскае радыё.

(SZh)