Наступная Еўрапейская сустрэча моладзі Тэзэ пройдзе на мяжы 2015/16 гг. у іспанскай Валенсіі. Пра гэта падчас сустрэчы Тэзэ ў Празе аб’явіў прыёр экуменічнай супольнасці брат Алоіз.

Паводле слоў кіраўніка супольнасці Тэзэ, моладзь усяго кантынента будзе запрошана ў краіну, «вядомую сваёй гасціннасцю, якая, аднак, перажывае сёння цяжкія эканамічныя часы».

Пра гэта паведамляе аўстрыйскі каталіцкі партал kathweb.at

Наступная сустрэча моладзі Тэзэ пройдзе з 28 снежня 2015 па 1 студзеня 2016. Акрамя гэтай навагодняй сустрэчы, адбудуцца таксама наступныя «пілігрымкі даверу» братоў Тэзэ: у лютым дэлегацыя супольнасці наведае Аўстралію і Новую Зеландыю, у красавіку — Беларусь, Украіну і Расію. У 2016 годзе чакаюцца візіты ў Кенію, Руанду і Бенін.

У сёлетняй экуменічнай сустрэчы Тэзэ ў Празе прыняло ўдзел каля 30 тысяч чалавек.

Экуменічная супольнасць Тэзэ вядомая сваімі медытатыўнымі малітвамі і музыкай. Яна заснавана на прынцыпе сціплага жыццёвага ўзору і салідарнасці паміж беднасцю і багаццем. Да супольнасці належаць каля 100 мужчын з Лютэранскай Царквы і Каталіцкага Касцёла 25 краін. Узначальвае супольнасць 60-гадовы брат Алоіз Лазэр, нямецкі тэолаг.

(ILS)

Чытайце таксама:

Прыёр супольнасці Тэзэ брат Алоіз Лазэр: я вельмі ўражаны сустрэчамі з беларускай моладдзю