Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Прывітальнае слова першага Сакратара Апостальскай Нунцыятуры кс. прэлата Крыспіна Дубеля на ўрачыстасць першай гадавіны каранацыі цудоўнага абраза Маці Божай Валадаркі Азёраў
Браслаў, 22 жніўня 2010 г.

Эксцэленцыі, шаноўныя святары, сёстры законныя, браты і сёстры ў Хрысце!

Дазвольце прывітаць Вас ад імя арцыбіскупа Марціна Відавіча. Апостальскага Нунцыя ў Беларусі, і падзякаваць за запрашэнне на ўрачыстасць.

Сённяшняя ўрачыстасць з’яўляецца чарговай магчымасцю для ўсіх веруючых, каб сустрэцца ў доме нашай Маці. Санктуарый, дзе знаходзіцца яе цудоўны абраз, гэта месца асаблівае, выбранае Марыяй, каб падкрэсліць яе прысутнасць сярод пілігрымуючага Божага люду. Яна нагадвае нам пра сваю прысутнасць і пра сваё магутнае заступніцтва.

Але наша сустрэча з Маці — гэта момант незвычайны, вельмі важны. Кожны з нас ведае, што сэрца Маці адчувае настрой сваіх дзетак: нельга глядзець у твар Маці і казаць няпраўду.

Таму гэтае месца, гэтая хвіліна малітвы з’яўляюцца магчымасцю да выпраўлення, да навяртання і вытрымкі ў добрым.

Няхай малітва да Марыі, Маці Хрыста і нашай Маці, суправаджае нас у штодзённым вандраванні па дарогах Евангелля яе Сына Езуса Хрыста. Святы Людвіг Марыя Грыніён дэ Манфорт упэўніваў ушанавальнікаў Марыі, што гэта яна выхоўвае нас у Хрысце і Хрыста ў нас.

Няхай Марыя, якая валадарыць з гэтага месца, падтрымліввае кожнага з нас, каб мы былі верныя пакліканню да святасці, якое распачалося ў час святога Хросту. Няхай Бог дапамагае!

Адноўлена 08.09.2010 13:34
 

Пры выкарыстанні матэрыялаў сайта спасылка на Catholic.By абавязкова.

Выступленні

01.07 13:08Акт прысвячэння Беззаганнаму Сэрцу Марыі з нагоды 100-годдзя Яе аб’яўленняў у Фаціме
15.05 15:02Даклад арцыбіскупа Тадэвуша Кандрусевіча на сімпозіуме да 100-годдзя фацімскіх аб’яўленняў
05.05 15:04Паведамленне біскупа Пінскага Антонія Дзям’янкі з нагоды ўрачыстасці св. Андрэя Баболі, апекуна Пінскай дыяцэзіі
02.05 12:53Даклад Мітрапаліта Тадэвуша Кандрусевіча на тэму «Узаемадзеянне Касцёла і дзяржавы ў наш час»
13.04 13:51Прамова Апостальскага Нунцыя арцыбіскупа Габара Пінтэра падчас пастырскай сустрэчы ў Вялікі чацвер
30.01 12:53Прамова Апостальскага Нунцыя ў Беларусі арцыбіскупа Габара Пінтэра падчас урачыстасці св. Яна Боско ў Мінску
21.01 19:01Прамова Мітрапаліта Кандрусевіча падчас набажэнства ў межах Тыдня малітваў за адзінства хрысціянаў
23.12 16:38Пастырскае пасланне арцыбіскупа Тадэвуша Кандрусевіча на Божае Нараджэнне 2016
23.12 11:36Адкрыты ліст Мітрапаліта Кандрусевіча міністру аховы здароўя РБ Васілю Жарко
18.12 16:24Прамова Апостальскага Нунцыя арцыбіскупа Габара Пінтэра падчас адвэнтавага чування моладзі ў Мінску