Папа Францішак павіншаваў архіепіскапа Кентэрберыйскага Джасціна Уэлбі з інтранізацыяй, якая адбылася 21 сакавіка. Святы Айцец скіраваў кіраўніку Англіканскай Царквы пасланне, у якім падзякаваў за «цёплыя словы» ў сувязі з яго абраннем на Святы Пасад.

Святы Айцец Бэнэдыкт XVI зрабіў ахвяраванне ў памеры 250 тысяч долараў на Брытанскі ардынарыят для англіканаў, якія перайшлі ў Каталіцкі Касцёл. Кіраўнік гэтай структуры, былы англіканскі біскуп кс. прэлат Кейт Ньютан, адзначыў, што дар Папы паспрыяе стабільнасці ардынарыята.

Сёння, 18 лістапада 2010 г., Святы Айцец Бэнэдыкт XVI сустрэнецца з кіраўніком Англіканскай Царквы архіепіскапам Роўэнам Уільямсам. Архіепіскап прабывае ў Рыме ў сувязі з 50-гадовым юбілеем Папскай рады спрыяння хрысціянскаму адзінству.

20 кастрычніка 2009 г. Кангрэгацыя Веравучэння абвясціла апостальскую канстытуцыю Святога Айца Бэнэдыкта XVI, у якую ўключана спецыяльнае паведамленне для прадстаўнікоў Англіканскай Царквы, што жадаюць перайсці ў Каталіцкі Касцёл. Паводле гэтага паведамлення спрашчаецца працэдура далучэння англіканскіх вернікаў да супольнасці Касцёла.