«Каталіцкі Касцёл у Беларусі жывы. Ён сведчыць сваю веру і ставіць перад сабою шмат выклікаў, хоча працаваць, быць актыўным», — адзначыў кардынал Курт Кох у інтэрв’ю для Сatholic.by. Старшыня Папскай рады спрыяння хрысціянскаму адзінству прыбыў у Мінск для ўдзелу ў Міжнароднай канферэнцыі па праваслаўна-каталіцкім дыялогу.

29 верасня 2011 г. Святы Айцец Бэнэдыкт XVI сустрэўся са старшынёй Аддзела знешніх царкоўных сувязяў Маскоўскага Патрыярхату Мітрапалітам Іларыёнам. Сустрэча адбылася ў папскай летняй рэзідэнцыі ў Кастэль Гандольфа.

«Католікам у Грузіі патрэбна моцная вера, якая дапаможа перанесці ўсе цяжкасці, якія існуюць сёння», — адзначае кс. Уладзімір Аксенцьеў, які працуе ў Грузіі. Аб жыцці Касцёла ў гэтай горнай краіне, дзе католікі складаюць меншасць, святар распавёў парталу Catholic.by.