На агульную аўдыенцыю Святога Айца Бэнэдыкта XVI, што адбылася 10 жніўня 2011 г., сабралася каля 2,5 тысяч вернікаў. Аўдыенцыя прайшла ў папскай рэзідэнцыі ў Кастэль Гандольфа.

У нядзелю 7 жніўня 2011 г. у папскай рэзідэнцыі Кастэль Гандольфа Святы Айцец Бэнэдыкт XVI правёў чарговую агульную аўдыенцыю. Пантыфік прапанаваў паразважаць над нядзельным урыўкам з Евангелля і заклікаў не баяцца даверыцца Богу.

У сераду 3 жніўня 2011 г., пасля месяца перапынку, на плошчы Свабоды (Piazza della Libertà) у Кастэль Гандольфа адбылася традыцыйная папская аўдыенцыя для вернікаў. Падчас аўдыенцыі Святы Айцец Бэнэдыкт XVI заклікаў прысутных часцей браць у рукі Біблію падчас адпачынку і разважаць над яе зместам.

У нядзелю 17 ліпеня 2011 г. Святы Айцец Бэнэдыкт XVI узначаліў малітву «Анёл Панскі», якая прайшла ў летняй папскай рэзідэнцыі ў Кастэль Гандольфа. Да прысутных вернікаў Папа звярнуўся з прамовай-разважаннем на тэму нядзельнага Евангелля пра Нябеснае Валадарства.

У нядзелю 10 ліпеня 2011 г. адбылася традыцыйная малітва «Анёл Панскі» з удзелам Святога Айца Бэнэдыкта XVI. Прайшла яна ў летняй рэзідэнцыі ў Кастэль Гандольфа, куды 7 ліпеня прыбыў на адпачынак Пантыфік.

На значэнне святарства як сяброўскай сувязі з Хрыстом і вопыт Божай любові, які натхняе абвяшчаць Евангелле па ўсім свеце, звярнуў увагу Святы Айцец Бэнэдыкт XVI падчас святой Імшы 29 чэрвеня 2011 г, ва ўрачыстасць свв. Пятра і Паўла.

Ва ўрачыстасць св. Пятра і св. Паўла, апосталаў, Святы Айцец Бэнэдыкт XVI уручыць паліі сарака арцыбіскупам Мітрапалітам, якім быў нададзены гэты тытул ў мінулым годзе. Палій арцыбіскупаў сімвалізуе паслухмянасць Папе і іх асаблівую блізкасць да Святога Пасаду.

Ва ўрачыстасць Спаслання Духа Святога, якой завяршыўся Велікодны перыяд, Святы Айцец Бэнэдыкт XVI узначаліў літургію ў базыліцы св. Пятра ў Ватыкане. Гамілію Папа прысвяціў таямніцы Святога Духа і Касцёла.

Па добрай традыцыі заканчэнне месяца мая, прысвечанага ў Каталіцкім Касцёле Панне Марыі, адзначаецца спецыяльным набажэнствам у Ватыканскіх садах з удзелам Папы.

Сёлета Італія адзначае 150-годдзе аб’яднання краіны. З гэтай нагоды 26 мая 2011 г. Святы Айцец Бэнэдыкт XVI здзейсніў акт прысвячэння Італіі Найсвяцейшай Панне Марыі. Цырымонія і малітва прайшла ў базыліцы «Santa Maria Maggiore».

14 мая 2011 г. стаў вядомы расклад набажэнстваў, якія ўлетку 2011 г. узначаліць Бэнэдыкт XVI. Сярод іх — літургіі ва ўрачыстасць Найсвяцейшага Цела і Крыві Хрыста і свв. Пятра і Паўла, набажэнствы падчас Сусветных дзён моладзі ў Мадрыдзе і пастырскіх падарожжаў у Харватыю, Італію і Германію.

Чацвёртая нядзеля Велікоднага перыяду называецца нядзеляй Добрага Пастыра. У гэты дзень Касцёл моліцца аб пакліканнях да святарскага і манаскага жыцця. Да гэтага заклікаў Святы Айцец Бэнэдыкт XVI перад малітвай «Regina Caeli» у нядзелю 15 мая 2011.

У чацвер 26 мая 2011 г. Святы Айцец Бэнэдыкт XVI далучыцца да малітвы за Італію. Святы Ружанец з удзелам італьянскіх біскупаў пройдзе ў рымскай базыліцы Санта Марыя Маджорэ.

Увечары Вялікага чацвярга Святы Айцец Бэнэдыкт XVI па традыцыі ўзначаліў Імшу Вячэры Пана. Літургія адбылася ў базыліцы св. Яна на Латэране.

«Хрысціяне павінны паказваць свету жывога Бога, сведчыць аб Ім і да Яго весці», — адзначыў Святы Айцец Бэнэдыкт XVI падчас св. Імшы Хрызмы ў ватыканскай базыліцы.

У Пальмовую нядзелю, 17 красавіка 2011 г., распачаўся сёмы год Пантыфікату Святога Айца Бэнэдыкта XVI. Аб гэтым піша ў новым нумары «L’Osservatore Romano» галоўны рэдактар выдання Апостальскай Сталіцы Джаванні Марыя Віян. Публіцыст дае каментар да гаміліі, прамоўленай Папам падчас урачыстай літургіі ў Ватыкане.

17 красавіка 2011 г. на плошчы Св. Пятра ў Ватыкане Святы Айцец Бэнэдыкт XVI узначаліў літургію Пальмовай нядзелі. Узгадваючы аб урачыстым уваходзе Хрыста ў Ерузалем, Папа падкрэсліў, што Сын Божы накіроўваўся да святыні, якая была для ізраільцян пацвярджэннем блізкасці Бога да свайго народу.

Святы Айцец заклікае да дыялога дзеля спынення ваенных дзеянняў у Лівіі. Аб гэтым Пантыфік заявіў на агульнай аўдыенцыі ў нядзелю 27 сакавіка 2011 г.

У Папяльцовую сераду 9 сакавіка 2011 г. Святы Айцец Бэнэдыкт XVI узначаліў традыцыйную працэсію. Набажэнства распачалося малітвай у рымскім касцёле св. Ансэльма на Авенцінскім пагорку, пасля чаго працэсія накіравалася да базылікі св. Сабіны.