Усіх жадаючых запрашаем ў Мосар на юбілейную малітоўную сустрэчу з нагоды 5-годдзя Алеі цвярозасці, пасаджанай групамі Ананімных алкаголікаў з Беларусі і замежжа. 5–7 кастрычніка з гэтай нагоды ў Мосары адбудуцца трохдзённыя рэкалекцыі, кульмінацыяй якіх стане святкаванне Сусветнага дня цвярозасці.

У праграме: сустрэчы, адпачынак, канферэнцыі і малітва.

Пражыванне, харчаванне і начлег магчымы ў «Доме пілігрыма», а таксама па хатах вернікаў. Пажадана мець з сабой спальны мяшок ці падушку, коўдру і пасцельную бялізну. Кожны ўдзельнік можа скласці дабравольнае ахвяраванне, каб пакрыць выдаткі за пражыванне ў парафіі. У «Доме пілігрыма» ёсць усё неабходнае для жыцця, таму ў ім можна спыніцца разам з дзецьмі. Парафія ў стане прыняць на начлег да 17 чалавек. Замовіць начлег неабходна на сайце мосарскай парафіі.

У Мосары шмат сажалак з рыбай, ёсць вялікае возера Царкавішча, тут прыемнае чыстае паветра, палі, лясы і проста цудоўнае, ціхае, прыгожае і святое месца для адпачынку і рэкалекцый.

Прыкладны расклад дня падчас рэкалекцый:

5 кастрычніка (пятніца)

• 09.00 — рэгістрацыя і размяшчэнне ўдзельнікаў
• 10.00 — снеданне
• 10.30 — сустрэча і знаёмства
• 12.00 — сустрэча ў касцёле. Знаёмства з гісторыяй парафіі
• 12.30 — малітва перад рэліквіямі святога Юстына аб цвярозасці нашых сем’яў, моладзі і нашага беларускага народа
• 13.00 — канферэнцыя
• 14.00 — абед
• 15.00 – 17.00 — сустрэчы ў групах
• 17.00 — святая Імша з рэкалекцыйнай навукай
• 19.00 — вячэра
• 20.00 — вольны час
• 21.30 — вячэрнія малітвы

6 кастрычніка (субота)

• 09.00 — ранішнія малітвы. Снеданне
• 10.00 — знаёмства з Мосарам
  Добраўпарадкаванне Алеі цвярозасці
• 14.00 — абед
• 15.00 — вандроўка адчыненых вачэй. Канферэнцыя
• 16.00 – 17.00 — сустрэча групаў АА
• 17.00 — адарацыя Найсвяцейшага Сакрамэнту. Малітва аб цвярозасці
• 18.00 — урачыстая святая літургія з працэсіяй
• 19.00 — вячэра
• 20.00 — вогнішча
• 21.30 — вячэрняя малітва.
  

7 кастрычніка (нядзеля)

• 09.00 — ранішнія малітвы. Снеданне
• 10.00 — знаёмства з Мосарам. Наведванне музея
• 11.00 — ружанцовая малітва каля капліцаў
• 12.30 — сведчанні
• 13.00 — святая Імша з рэкалекцыйнай навукай
• 14.00 — абед
• 15.00 – 17.30 — сустрэча групаў АА. Абмеркаванне і справаздача з жыцця
• 18.00 — вольны час
• 19.00 — вячэра
• 20.00 — ад’езд. Развітанне.

Мосар становіцца ўсё больш вядомым, паступова «санктуарый» св. Юстына-мучаніка становіцца духоўным цэнтрам, які збірае вакол сябе людзей, шукаючых духоўную дапамогу, і цвярдыняй малітвы аб вызваленні ад алкагалізму.

Ксёндз Аляксей Юркайць,
адміністратар парафіі Мосар