Дамініканскія тэрцыярыі з Беларусі па запрашэнні супольнасці, што дзейнічае пры кляштары дамініканаў у Варшаве, упершыню прынялі ўдзел у рэкалекцыях, арганізаваных варшаўскай супольнасцю. Рэкалекцыі праходзілі 19–21 красавіка як падрыхтоўка да складання абяцанняў членамі Трэцяга Ордэна святога Дамініка.

Рэкалекцыі правёў а. Кшыштаф Рушэль з варшаўскага кляштара дамініканаў. Святар закрануў тэму складаных адносінаў працы і малітвы, прывёўшы прыклад евангельскіх Марты і Марыі. Таксама рэкалекцыяніст заахвоціў тэрцыярыяў прымаць канкрэтныя пастановы, якія сталі б вынікам гэтых духоўных практыкаванняў. Узнімаліся тэмы дабра і зла, памылак і любові да тых, хто памыляецца.

Супольнасць дамініканскіх тэрцыярыяў пад тытулам Святой Тройцы ў Беларусі было афіцыйна зацверджана 8 снежня 2012 г. Тэрцыярыі — трэцяя (пасля братоў і сясцёр дамініканак) галіна Ордэна святога Дамініка. Да яе належаць свецкія асобы, якія ў штодзённасці стараюцца жыць дамініканскай духоўнасцю.

Паводле dominikanie.pl

Пра Трэці Ордэн святога Дамініка можна пачытаць таксама тут>>>

(AG)