На заканчэнне перыяду Божага Нараджэння, 13 студзеня, вернікі мінскай парафіі Беззаганнага Зачацця Найсвяцейшай Панны Марыі (мкрн Сухарава) арганізавалі свята. Дзеці і моладзь парафіі прадставілі батлейку, у якой падкрэслілі сутнасць таямніцы Нараджэння Хрыста.

Батлейка пад назвай «Найпрыгажэйшая мелодыя» расказала пра тое, што кожны мае магчымасць напісаць самую прыгожую мелодыю жыцця, стараючыся, каб у «нотным сшытку» было як найменш фальшывых нотак. Маладыя артысты звярнулі ўвагу на тое, што пісанне гэтай мелодыі не скончылася са святкаваннем Божага Нараджэння, але працягваецца далей, бо кожны дзень мы маем магчымасць пісаць мелодыі добрых учынкаў.

На свята вернікі парафіі запрасілі святога Мікалая, які парадаваў не толькі падарункамі, але і цікавымі апавяданнямі і мудрымі настаўленнямі.

(AG)