Дэвізам урачыстасцяў у Будславе, якія адбудуцца 3 і 4 ліпеня 2015 года, стануць словы «Марыя – прытулак грэшнікаў».

Пра гэта стала вядома на прэс-канферэнцыі Мітрапаліта Тадэвуша Кандрусевіча, якая прайшла 23 снежня ў Мінску.

Cёлетняя ўрачыстасць сярод іншага стане падрыхтоўкай да агульнабеларускай пілігрымкі на Святую Зямлю на асвячэнне табліцы з гімнам Марыі «Магніфікат», якая запланавана на 21-28 верасня 2015 года.

Папярэднія гады ўрачыстасці ў Будславе мелі наступныя дэвізы:

• «Марыя — узор малітвы» (Будслаў, 4 і 5 ліпеня 2014 г.).
• «Марыя — Маці нашай веры» (Будслаў, 5 і 6 ліпеня 2013 г.)
• «Марыя — Маці Збаўцы» (6 і 7 ліпеня 2012 г.).
• «Марыя — святыня Духа Святога» (1 і 2 ліпеня 2011 г.)
• «Марыя — выбраная дачка Бога Айца» (1 і 2 ліпеня 2010 г.).

(IL)