22 лютага — свята катэдры св. Пятра

Каляндар

22.02.2011 15:31

22 лютага — свята катэдры св. Пятра, апостала. «I Я кажу табе, што ты — Пётр (скала), і на гэтай скале Я пабудую Касцёл Мой, і брамы пякельныя не перамогуць Яго», — чытаем у Евангеллі паводле Мацвея. У свята катэдры св. Пятра гаворка ідзе не пра сакральны будынак. У старажытнасці слова «катэдра» азначала біскупскі трон, ля якога адбывалася ўрачыстае навучанне. У Рыме захоўваецца біскупскі трон, які сімвалізуе ўладу, перададзеную Хрыстом спачатку Пятру, a потым па чарзе ўсім яго наступнікам. У гэтае свята Каталіцкі Касцёл асаблівым чынам моліцца за Святога Айца Бэнэдыкта XVI, аб патрэбных ласках для яго і ўмацаванні ў служэнні Касцёлу, каб быў бачным фундаметам адзінства веры і братняй любові.