1 красавіка ў шматлікіх краінах свету адзначаецца Дзень гумару. Няхай гэты артыкул дадасць у ваш дзень хвілінку смеху.

d Святар звяртаецца да маленькага Вані:
— Ваня, а ты молішся перад ежай?
— Не, мая маці добра гатуе.

***

Грэх паддавацца маркоце, калі ёсць іншыя грахі.

 З размовы двух студэнтаў:
— Вырашыў не заводзіць будзільніка. Няхай Бог вырашае, ісці мне на першую пару ці не.

Божа, калі Ты паўсюль, як жа я аказваюся дзесьці яшчэ?

П’яны мужчына разам са сваімі сябрамі нясецца на вар’яцкай хуткасці па вуліцах горада. У пасажыраў не вытрымліваюць нервы, і яны просяць вадзіцеля: — Спыніся. Мы выйдзем.
Вадзіцель спыніўся, а калі яны выйшлі, крыкнуў услед: «Баязліўцы, мае анёлы-ахоўнікі не дадуць мне разбіцца!» І рвануў з месца.
Праз некалькі хвілін хтосьці ззаду зноў пахлопаў яго па плячы і сказаў: «Гэта мы, твае анёлы-ахоўнікі. Спыніся, мы таксама выйдзем».

Малітва аб цярпенні:
Божа, дай мне цярпення і хутчэй!

Пане, смерці прашу ў цябе! Не адмоў мне, бо ж не для сябе прашу…