27 чэрвеня 2014 г. будзе адзначацца Дзень святасці святароў. Ён заўсёды будзе cвяткавацца ва ўрачыстасць Найсвяцейшага Сэрца Езуса.

Адпаведнае рашэнне прыняла адносна ўказання Кангрэгацыі па справах Духавенства Канферэнцыя Каталіцкіх Біскупаў Беларусі на 57-м пленарным пасяджэнні 17 чэрвеня ў Мінску. Біскупы пастанавілі, каб у літургічных календарах усіх дыяцэзій было пазначана, што Дзень святасці святароў адзначаецца ва ўрачыстасць Найсвяцейшага Сэрца Езуса, якая ў гэтым годзе прыпадае на 27 чэрвеня.
 
Касцёл заахвочвае вернікаў у гэты дзень да малітвы за святароў, каб тыя сваім штодзённым жыццём давалі добрае сведчанне ўсім людзям, а праз спаўненне свайго штодзённага служэння імкнуліся да святасці, да якой усе былі закліканы Езусам, які сказаў: “Будзьце дасканалымі, як дасканалы Айцец ваш Нябесны” (Мц 5, 48).

(JM), (AG)