27 лістапада ў межах візіту ў Вялікабрытанію Мітрапаліт Мінска-Магілёўскі арцыбіскуп Тадэвуш Кандрусевіч цэлебраваў святую Імшу для дзяцей каталіцкай школы Бірмінгема ў касцёле Найсвяцейшай Панны Марыі.

Паводле традыцыі, раз на тыдзень дзеці мясцовых школ усім класам наведваюць святую Імшу ў касцёле.

Гамілію беларускі іерарх пабудаваў у форме дыялогу, задаючы дзецям пытанні аб значэнні Адвэнту і Божага Нараджэння. Напрыканцы арцыбіскуп Тадэвуш Кандрусевіч пажадаў дзецям плённага перажывання Адвэнту і шчаслівага Божага Нараджэння.

(IL)