4 мая ва ўніверсітэце імя кард. Стэфана Вышыньскага ў Варшаве на тэалагічным факультэце с. Анатоля (Рэната) Зеліньска з Кангрэгацыi Сясцёр св. Дамініка абараніла доктарскую працу на тэму «Справа евангелізацыі Касцёла на Усходзе ў навучанні арцыбіскупа Тадэвуша Кандрусевіча».

Дысертацыя была напісана пад кіраўніцтвам кс. праф. Марыяна Кавальчука.

Падчас абароны працы прагучала шмат цёплых словаў у адрас арцыбіскупа Тадэвуша Кандрусевіча і цудоўнай евангелічнай дзейнасці Мітрапаліта ў Маскве і Мінску. Экзаменацыйная камісія адзначыла, што было б добра, калі б праца выйшла ў друку, і не толькі на польскай, але найперш на беларускай мове.

«Я меў прыемнасць кіраваць гэтай публічнай абаронай і таксама аддаць належную пашану дзейнасці арцыбіскупа Тадэвуша Кандрусевіча на Усходзе», — адзначыў кс. праф. Рышард Чэкальскі з універсітэта імя кард. Стэфана Вышыньскага.

Сястра Анатоля (Рэната) Зеліньска служыла ў Касцёле ў Беларусі 20 гадоў, чатыры гады таму выехала ў Польшчу і зараз служыць у Кракаве.

Кс. Юрый Марціновіч