У чацвёрты дзень працы Пленарнай Асамблеi Рады Бiскупскiх Канферэнцый Еўропы, 14 верасня, завяршыліся паведамленні бiскупаў аб сітуацыі Касцёла ў іх краінах. У асамблеі прымае ўдзел таксама Старшыня Канферэнцыі Каталіцкіх Біскупаў у Беларусі Мітрапаліт Мінска-Магілёўскі арцыбіскуп Тадэвуш Кандрусевіч.

Гэты дзень, як і раней, пачаўся малiтвай Ютранi ў капліцы Domus Galileae. Пасля прагучалі паведамленні бiскупаў аб сітуацыі Касцёла ў іх краінах.

Прыводзім пералік галоўных праблем, на якія звярталася ўвага ў паведамленнях іерархаў з розных еўрапейскіх краiн, акрамя партыкулярных падзей у паасобных краiнах:

1. сям’я, уключаючы тэндэнцыi гомасексуальных саюзаў;
2. гендэрная праблема;
3. дэмаграфiчны крызiс;
4. абарона жыцця; сексуальнае выхаванне ў школе,
5. антрапалагiчна-культурны крызiс;
6. значэнне экуменiзму ў абароне хрысцiянскiх каштоўнасцяў;
7. значэнне мiжрэлiгiйнага дыялогу для вырашэння канфлiктаў i будавання мiру памiж народамi;
8. працоўная мiграцыя;
9. праблема ўтрымання касцёльных шпiталяў i iншых дабрачынных арганiзацый;
10. крызiс рэлiгii сярод моладзi, уплыў секулярных тэндэнцый на моладзь;
11. распаўсюджванне секулярнай iдэалогiі на Усход i ў Цэнтральную Еўропу з Еўрасаюза;
12. беднасць у Еўропе;
13. крызiс паклiкання да святарства i кансэкраванага жыцця;
14. святкаванне Года кансэкраванага жыцця;
15. эканамiчны крызiс;
16. праблема гей-парадаў;
17. праблемы, звязаныя з уваходам некаторых усходнiх краiн у Еўразону (грошы еўра замест нацыянальнай валюты);
18. выклiкi нарастаючай мiграцыi з Афрыкi;
19. салiдарнасць з Украiнай;
20. стварэнне ў некаторых посткамунiстычных краiнах міжрэлiгiйных рад, якiя дапамагаюць сумесна патрабаваць захавання правоў розных веравызнанняў;
21. падрыхтоўка на Сусветнага дня моладзi ў Кракаве ў 2016 г.;
22. пераслед Касцёла на Блiзкiм Усходзе;
23. тэрарызм;
24. эканамiчны крызiс;
25. свабода рэлiгii, асаблiва на Блiзкiм Усходзе;
26. праблема Касцёла на Блiзкiм Усходзе, якi знаходзiцца ў абсалютнай меншасцi, што вядзе да негатыўных наступстваў, бо ён застаецца практычна без голасу ў грамадстве, часта перажывае дыскрымiнацыю i мае вялiкiя праблемы ў адносiнах да iншых канфесiй i рэлiгiй;
27. мiграцыя з Блiзкага Усходу i Афрыкi, якая ў многiх месцах вядзе да хаосу, бо колькасць мiгрантаў перавышае колькасць жыхароў некаторых мясцiн i асаблiва астравоў, куды мiгранты прыбываюць;
28. складанасці катэхiзацыi сучаснай моладзi;
29. надыходзячы Сiнод Біскупаў на тэму сям’i;
30. праблема служэння бедным, якiх становiцца ўсё больш у сувязi з наплывам мiгрантаў;
31. занепакоенасць сацыяльнымi праблемамi i сацыяльнай несправядлiвасцю;
32. беспрацоўе, якое стварае вялiкiя праблемы;
33. розніца паміж называннем сябе веруючым i практыкаваннем сваёй веры;
34. тое, што ахрышчаныя часам жывуць як язычнiкi;
35. тое, што ў некаторых краiнах Касцёл асацыюецца з НДА (недзяржаўнай арганізацыяй);
36. Касцёл аддзелены ад дзяржавы, але знаходзiцца ў рэальных абставiнах той цi iншай дзяржавы;
37. адносiны з iсламам;
38. праблемы сацыяльнай этыкi;
39. праблема паклiканняў да святарства;
40. бездухоўнасць сучаснай Еўропы, асаблiва моладзi;
41. пастырства сем’яў;
42. катэхiзацыя дарослых;
43. сексуальныя злачынствы супраць малалетнiх;
44. манаскія супольнасці дыяцэзiяльнага права, члены якiх старэюць i якімі няма каму кiраваць (тады, напр., у Галандыi ардынарый прызначае настаяцеля з iншага манаскага ордэна або з дыяцэзiяльнага духавенства);
45. выкарыстанне медыя ў новай евангелiзацыi;
46. суiцыд;
47. гандаль людзьмi.

Асаблiвую ўвагу ўдзельнiкi форуму еўрапейскіх бiскупаў звярнулi на ваенны канфлiкт ва Украiне, якая перажывае гуманiтарны крызiс, на структуры Каталiцкага Касцёла ў Крыме, якiя цяпер падпарадкаваны непасрэдна Ватыкану. Было адзначана, між іншым, што падчас канфлiкту ва Украiне там павялiчылася колькасць споведзяў i прыняцця святой Камунiі.

(DN), (AG)