7 снежня Міністр замежных спраў Рэспублікі Беларусь Уладзімір Макей прыняў арцыбіскупа Клаўдыё Гуджэроцці з нагоды завяршэння яго місіі Апостальскага Нунцыя ў Беларусі.

У ходзе сустрэчы бакі абмеркавалі вынікі працы Апостальскага Нунцыя ў Беларусі, абмяняліся думкамі аб шляхах далейшай актывізацыі беларуска-ватыканскага дыялогу.

Уладзімір Макей высока ацаніў уклад Апостальскага Нунцыя ва ўмацаванне ўзаемадзеяння паміж Беларуссю і Святым Пасадам і пажадаў арцыбіскупу паспяховага працягу яго дыпламатычнай кар’еры.

Паводле Прэс-службы Міністэрства замежных спраў Рэспублікі Беларусь

(AG)

Фота Прэс-службы Міністэрства замежных спраў Рэспублікі Беларусь