16 мая 2012 г. адбылася сесія Кангрэгацыі Веравучэння, на якой было абмеркавана пытанне адносінаў з Брацтвам святога Пія Х. Падчас пасяджэння былі прыняты некаторыя заўвагі адносна адказу, якія будуць абмяркоўвацца падчас далейшых кансультацый паміж Святым Пасадам і Брацтвам святога Пія Х.

На сесіі быў разгледжаны змест адказу, які Кангрэгацыя Веравучэння атрымала 17 красавіка 2012 г. ад генеральнага настаяцеля Брацтва св. Пія Х біскупа Бэрнарда Фэлей на «дактрынальную прэамбулу», якую, як прапанову поўнага адзінства з Апостальскай Сталіцай, перадала лефэўрыстам Кангрэгацыя Веравучэння і Камісія «Ecclesia Dei».

Як паведамляе Ватыканскае радыё, статус трох біскупаў Брацтва св. Пія Х, якія адмоўна ставяцца да поўнага адзінства з Апостальскай Сталіцай, будзе разглядацца асобна.