Гэта архіў старой версіі сайта. Новая версія знаходзіцца па адрасе catholic.by
| Сінод Біскупаў адобрыў пасланне да сем’яў аб хрысціянскім пакліканні |
| Дзяржава Ватыкан |
| 07.10.2014 14:55 |
|
Удзельнікі Сіноду сышліся на думцы, што было б добра распрацаваць пасланне да сем’яў, якія пакінулі свае дамы з-за пераследу на Блізкім Усходзе. Гэтыя людзі не выракліся сваёй веры і пакінулі ўсё, каб застацца вернымі хрысціянскаму пакліканню. Сінод Біскупаў адразу прыняў такую прапанову і распрацуе адпаведнае пасланне. Асаблівая ўвага была звернута на неабходнасць павагі да сямейных традыцый, якія ў розных культурах, краінах і на розных кантынентах адрозніваюцца паміж сабой. Біскупы зазначылі, што падчас казанняў больш увагі варта ўдзяляць пакліканням да сямейнага жыцця і акцэнтаваць прыгажосць такіх пакліканняў. Асобна было зазначана, што кожная сям’я павінна мець Біблію, каб чэрпаць з яе вучэнне Хрыста пра сям’ю. «Многія сем’і не ведалі вучэння Касцёла і былі моцнымі. Чаму? Адказ адзін: яны знаходзілі моц ва ўзаемнай любові і сакрамэнтальным жыцці. Гэты вопыт неабходна перадаваць новым пакаленням», — адзначылі біскупы.
(DN) |
Сінод Біскупаў распрацуе асобнае пасланне да сем’яў, у якім нагадае пра важнасць хрысціянскага паклікання.
для друкуПры выкарыстанні матэрыялаў сайта спасылка на Catholic.By абавязкова.
Ватыканскае радыё