Кіраўнік Прэс-службы Апостальскай Сталіцы а. Фэдэрыко Ламбардзі ўнёс яснасць у пытанне аб лёсе выніковага дакумента Сінода Біскупаў на тэму сям’і, які праходзіць у Ватыкане 4-25 кастрычніка.

Каментуючы меркаванні аб тым, што дакумент можа быць не апублікаваны пасля заканчэння асамблеі, прадстаўнік Святога Пасаду адзначыў, што гэтае пытанне знаходзіцца ў кампетэнцыі Папы Францішка.

У канцы Сінода выніковы дакумент будзе перададзены Пантыфіку. Менавіта Папа павінен вырашыць, публікаваць яго неадкладна, праз некалькі дзён або ўвогуле не публікаваць, а выкарыстаць для сваёй паслясінадальнай адгартацыі.

Паводле беларускай рэдакцыі Ватыканскага радыё

(AG)