«Новая кніга Бэнэдыкта XVI датычыць нашага жыцця, бо кажа аб справах заўсёды актуальных», — заўважыў старшыня Папскай рады па культуры кардынал Джанфранка Равазі. Іерарх, які з’яўляецца таксама вядомым біблеістам, прыняў удзел 20 лістапада ў прэзентацыі ў Ватыкане трэцяй часткі трылогіі Папы «Езус з Назарэта. Дзяцінства».

Кардынал, словы якога прыводзіць агенцтва КАІ, падкрэсліў актуальнасць разважанняў Пантыфіка ў гэтай кнізе ў наш час, калі «паміраюць дзеці ў сектары Газа і пастаянна чуецца плач маці». Старшыня Папскай рады дадаў таксама, што гэтую кнігу нельга разумець толькі як «падарунак пад елку, поўны сентыменталізму». «Старонкі Евангелля дзяцінства Езуса прызначаны для дарослых, дасканалых у веры», — адзначыў іерарх.

Па словах кардынала Равазі, Папа напісаў гэтую кнігу з вялікай пакорай, яснай і зразумелай мовай.

(AG)