Катэгарычна супраць легалізацыі наркотыкаў выказаўся арцыбіскуп Хасэ Марыя Арансэда, старшыня епіскапату Аргенціны. У заяве, апублікаванай у газеце «El Litoral», іерарх перасцярог, што іх дэпеналізацыя можа прывесці да «ўражання, быццам наркотыкі не прыносяць ніякай шкоды».

Арцыбіскуп выказаў жаль з прычыны таго, што грамадства ўсе менш усведамляе «сапраўднае аблічча ўжывання наркотыкаў». Старшыня епіскапату падкрэсліў, што «трэба ўслухацца ў голас сем’яў залежных людзей, каб даведацца пра рэаліі гэтай праблемы».

Як інфармуе польская рэдакцыя Ватыканскага радыё, заява іерарха стала адказам на выступленне губернатара правінцыі Санта Фэ, які прапанаваў дыскусію на тэму дэпеналізацыі «лёгкіх» наркотыкаў.

(AG)