У гэтым годзе 1-га і 2-га ліпеня падчас урачыстасцяў Маці Божай Будслаўскай упершыню была арганізавана прамая відэатрансляцыя з Будслава праз Інтэрнэт. На працягу амаль сутак нашы наведвальнікі, якія не змаглі прысутнічаць на ўрачыстасцях, мелі магчымасць назіраць за падзеямі праз Інтэрнэт і духоўна яднацца з пілігрымамі. Прапануем для прагладу некалькі відэа-ролікаў з запісамі фрагментаў будслаўскага фэсту.
28 чэрвеня г.г. Папа Ян Павел ІІ падпісаў апостальскую адгартацыю Ecclesia in Europa («Касцёл у Еўропе»). Гэта заключны дакумент Сіноду біскупаў для Еўропы, які праходзіў 1—23 кастрычніка 1999 г. у Рыме і быў прысвечаны хрысціянскай тоеснасці нашага кантынента.
6 чэрвеня ў старажытным горадзе Дуброўнік падчас урачыстай Святой Імшы Ян Павел ІІ беатыфікаваў Марыю ад Езуса Укрыжаванага (Петкавіч) (1892–1966 гг.) — заснавальніцу Кангрэгацыі францішканак — дачок міласэрнасці.
З 5 па 9 чэрвеня 2003 г. Ян Павел ІІ візітаваў Харватыю і наведаў пяць мясцовасцяў. Папа цэлебраваў тры Святыя Імшы з удзелам вернікаў і правёў у г. Задар Літургію Слова, якая стала апошнім этапам гэтай гістарычнай замежнай паездкі. Падчас пілігрымкі Пантыфік узвялічыў да годнасці алтара адну Слугу Божую — Марыю ад Езуса Укрыжаванага, сустрэўся з прэзідэнтам, прэм’ерам і харвацкімі біскупамі, а таксама наведаў святыні ў Д’якове і Рыцы. Гэта трэці візіт Яна Паўла ІІ у Харватыю.
