Самай вялікай хрысціянскай урачыстасцю з’яўляецца Вялікдзень. Яго называюць «святам святаў». У гэты дзень Хрыстус сваёю крывёю адкупіў увесь свет.

28 сакавіка, у велікодны панядзелак, дабрачыннае каталіцкае таварыства «Caritas» Віцебскай дыяцэзіі арганізавала ў Віцебскім гарадскім цэнтры часовага (начнога) прабывання асобаў без вызначанага месца жыхарства дабрачынную акцыю для бедных і бяздомных.

Ля культурна-турыстычнага цэнтра аграгарадка Сапоцкін гасцей сустракала велікоднае яйка два метры ў вышыню, змайстраванае з лазы.

Узнёслае «Аллелюя» як выраз радасці і прывітання ўваскрослага Хрыста прагучала ў віцебскім катэдральным касцёле Езуса Міласэрнага ў час Пасхальнай вігіліі, увечары 26 сакавіка. Раздзяліць гэтую радасць з бліжнімі сабралася вялікая колькасць вернікаў Віцебска. Узначаліў літургію Пасхальнай вігіліі біскуп Віцебскі Алег Буткевіч.

Урачыстай Імшой Пасхальнай вігіліі пачалося святкаванне Уваскрасення Пана ў катэдральным касцёле Унебаўзяцця Найсвяцейшай Панны Марыі і св. Станіслава ў Магілёве. Літургію ўзначаліў біскуп вікарый для Магілёўскага рэгіёну Аляксандр Яшэўскі SDB.

26 сакавіка, у Вялікую суботу, біскуп Пінскі Антоні Дзям’янка наведаў парафіі Пінскай дыяцэзіі, каб асвяціць стравы на велікодны стол, сустрэцца з вернікамі і духавенствам.

«Хрыстус уваскрос — сапраўды ўваскрос!» — абвяшчэннем гэтай радаснай навіны прывітаў вернікаў біскуп Віцебскі Алег Буткевіч  на пачатку рэзурэкцыйнай Імшы ў катэдральным касцёле Езуса Міласэрнага велікодным ранкам 27 сакавіка. Кажучы аб велічы гэтага дня, біскуп заўважыў, што «Божае благаслаўленне сыходзіць на нас праз прыгажосць гэтага сонечнага дня».

У велікодную раніцу радаснае «Аллелюя» ў чарговы раз загучала на вуліцах горада Гродна. 27 сакавіка з самага ранку вернікі выйшлі на вуліцы свайго горада, каб засведчыць сваю веру і абвясціць усяму свету, што «Хрыстус уваскрос — сапраўды ўваскрос».

А шостай гадзіне раніцы перазвон званоў лідскага фарнага касцёла абвясціў на ўсе ваколіцы радасную навіну аб Уваскрасенні Езуса Хрыста. Вялікая колькасць вернікаў, не зважаючы на ранні час, прыняла ўдзел у працэсіі і рэзурэкцыйнай святой Імшы.

Нягледзячы на смутак, які нясе з сабою Вялікая субота, вернікі Лідчыны радасна спяшаліся ў касцёл Узвышэння Святога Крыжа ў Лідзе. Хоць асвячэнне велікодных страваў адбывалася штогадзіну, лідская Фара не магла змясціць шматлікіх вернікаў, якія прыходзілі цэлымі сем'ямі, каб памаліцца і асвяціць стравы на велікодны стол.

Раніцай 27 сакавіка, у нядзелю Уваскрасення Пана, ва ўрачыстай працэсіі каля архікатэдральнага касцёла Імя Найсвяцейшай Панны Марыі, каб абвясціць, што Хрыстус уваскрос, прынялі ўдзел вернікі Мінска. Пасля працэсіі адбылася рэзурэкцыйная Імша, якую ўзначаліў Мітрапаліт Мінска-Магілёўскі арцыбіскуп Тадэвуш Кандрусевіч.

Пасхальная вігілія 26 сакавіка сабрала ў архікатэдральным касцёле Імя Найсвяцейшай Панны Марыі мноства вернікаў горада. Літургію ўзначаліў Мітрапаліт Мінска-Магілёўскі арцыбіскуп Тадэвуш Кандрусевіч.

26 сакавіка біскуп Гродзенскі Аляксандр Кашкевіч узначаліў урачыстую літургію Пасхальнай вігіліі ў катэдральным касцёле св. Францішка Ксаверыя ў Гродне.

«Цярпенні і смерць Езуса на Галгоце дапамагаюць нам лепей зразумець сапраўдны сэнс Вялікага посту», — заўважыў Мітрапаліт Мінска-Магілёўскі арцыбіскуп Тадэвуш Кандрусевіч падчас літургіі Мукі Пана ў мінскай архікатэдры Імя Найсвяцейшай Панны Марыі ў Вялікую пятніцу, 25 сакавіка.

У Вялікую суботу вернікі прабываюць каля гробу Пана, разважаючы пра муку і смерць Збаўцы, а асабліва пра Яго сыход у адхлань. У шчырым посце і гарачай малітве вернікі чакаюць Уваскрасення Збаўцы.

Хрыстус уваскрос!

Дарагія браты і сёстры!

Дарагія вернікі Віцебскай дыяцэзіі,
паважаныя браты і сёстры ў Хрысце!