Падчас сённяшняй малітвы «Анёл Панскі» папа Бэнэдыкт XVI прывітаў удзельнікаў «Папскага дня» ў Польшчы, які праходзіць пад дэвізам «Ян Павел ІІ — Папа сям’і». «Дзякую вам за гэты выраз лучнасці з Апостальскай Сталіцай, за вашыя малітвы і падтрымку маладых стыпендыятаў фонда „Справа новага тысячагоддзя“», — сказаў Пантыфік, звяртаючыся да польскіх вернікаў.

10 мая 2012 г. Святы Айцец Бэнэдыкт XVI зацвердзіў 17 дэкрэтаў, якія датычаць беатыфікацыі 52 чалавек з Італіі, Аўстрыі, Эквадора, Чэхіі, Іспаніі, ЗША, Бразіліі, Францыі і Германіі. Сёння Пантыфік сустрэўся з прэфектам Кангрэгацыі па справах Кананізацыі кардыналам Анджэло Амато.

14 студзеня 2011 г., падчас аўдыенцыі, удзеленай прэфекту Кангрэгацыі па справах Кананізацыі кардыналу Анджэло Амато, Святы Айцец Бэнэдыкт XVI зацвердзіў беатыфікацыйныя дэкрэты 13 Слуг Божых. Акрамя папы Яна Паўла ІІ, кандыдатамі на беатыфікацыю з’яўляюцца 5 мужчын і 7 жанчын.

Сёння, 14 студзеня 2011 г., Святы Айцец Бэнэдыкт XVI прыняў на аўдыенцыі прэфекта Кангрэгацыі па справах Кананізацыі кардынала Анджэло Амато. Святы Айцец падпісаў падрыхтаваны ведамствам дэкрэт аб сапраўднасці цудоўнага аздараўлення французскай законніцы с. Марыі-Сімоне Норман, якое прыпісвалася заступніцтву Яна Паўла ІІ.

У суботу, 15 студзеня 2011 г., Святы Айцец Бэнэдыкт XVI удзеліць аўдыенцыю прэфекту Кангрэгацыі па справах Кананізацыі кардыналу Анджэло Амато. Іерарх прадставіць Пантыфіку поўную дакументацыю беатыфікацыйнага працэсу Караля Вайтылы — Слугі Божага Яна Паўла ІІ.

Святы Айцец Бэнэдыкт XVI упаўнаважыў Кангрэгацыю па справах Кананізацыі да абвяшчэння дэкрэтаў, якія датычаць 16 кандыдатаў да беатыфікацыі і кананізацыі. Гэта адбылося 10 снежня 2010 г. падчас аўдыенцыі, якую Папа ўдзяліў старшыні гэтага ведамства кардыналу Анджэло Амато.