Гэта архіў старой версіі сайта. Новая версія знаходзіцца па адрасе catholic.by
Цэтлік [Папскія пасланні]
У сераду 4 мая 2011 г. у 17.30 па італьянскім часе будзе наладжана сувязь з міжнароднай касмічнай станцыяй з нагоды апошняй місіі шатла «Індэвор». Да экіпажа звернецца Святы Айцец Бэнэдыкт XVI.
Падчас агульнай аўдыенцыі ў сераду 13 красавіка 2011 г. Святы Айцец Бэнэдыкт XVI скіраваў пасланне да ўдзельнікаў Нацыянальнай сустрэчы сем’яў, якая пройдзе ў наступныя выхадныя ў Мельбурне (Аўстралія). 
Святы Айцец Бэнэдыкт XVI заклікае спыніць кровапраліцце ў Лівіі і Кот-д’Івуары, а таксама стварыць магчымасці для ўезду папскага пасланніка на тэрыторыю гэтай заходнеафрыканскай краіны. 
Каталіцкая акцыя Аргенціны адзначае 80-годдзе. З гэтай нагоды Святы Айцец Бэнэдыкт XVI скіраваў пасланне да яе ўдзельнікаў.
Душпастырства сем’яў, якое распаўсюджвае культуру жыцця і клапоціцца аб прызнанні правоў сям’і, займае асаблівае месца ў евангелізацыі лакальных Касцёлаў. Пра гэта нагадаў Святы Айцец Бэнэдыкт XVI у лісце да старшынь камісій лацінаамерыканскіх епіскапатаў па справах сям’і. 
«Молімся, каб італьянскі народ заўсёды кіраваўся святлом веры — крыніцы надзеі і намаганняў на карысць свабоды, справядлівасці і міру», — адзначаецца ў пасланні Святога Айца Бэнэдыкта XVI, скіраваным на імя Прэзідэнта Італіі Джорджыо Напалітано. Пасланне прымеркавана да 150-годдзя аб’яднання краіны, якое будзе адзначацца 17 сакавіка 2011 г.
«Святы Айцец глыбока засмучаны жахлівымі і трагічнымі вынікамі катастрафічнага землятрусу і цунамі, якія знішчылі паўночна-ўсходняе ўзбярэжжа Японіі», — адзначаецца ў спачувальнай тэлеграме. Ад імя Пантыфіка Дзяржсакратар Яго Святасці папы Бэнэдыкта XVI кардынал Тарчызіо Бэртонэ накіраваў тэлеграму старшыні японскага епіскапату арцыбіскупу Лео Джун Ікенагі. 
Святы Айцец Бэнэдыкт XVI выказаў «глыбокі смутак» з прычыны гібелі пакістанскага міністра па справах рэлігійных меншасцяў Шабхаза Бхацці, які быў застрэлены ў Ісламабадзе 3 сакавіка 2011 г. Спачувальная тэлеграма, высланая Дзяржаўным сакратаром Яго Святасці кардыналам Тарчызіо Бэртонэ на імя старшыні епіскапату Пакістана, запэўнівае ў малітве Папы аб супакоі для «высакароднай душы» забітага.
Святы Айцец Бэнэдыкт XVI накіраваў спачуванні пацярпелым ад землятрусу ў Крайстчорчы (Новая Зеландыя). Ад імя Папы тэлеграму на імя біскупа горада Бэрры Джонса падпісаў Дзяржаўны сакратар Яго Святасці кардынал Тарчызіо Бэртонэ.
«У маладым веку адышоў да Пана выбітны пастыр», — чытаем у спачувальнай тэлеграме Святога Айца Бэнэдыкта XVI з прычыны смерці Мітрапаліта Люблінскага арцыбіскупа Юзафа Жыцінскага. У тэлеграме на імя біскупа Мечыслава Цісла, адміністратара Люблінскай архідыяцэзіі, Папа кажа аб клопаце памерлага іерарха аб верніках, даручаных яго апецы, і яго ўдзеле ў жыцці ўсяго Касцёла.
Падчас аўдыенцыі для ўдзельнікаў пленарнага пасяджэння Найвышэйшага Трыбунала Апостальскай Сігнатуры Святы Айцец Бэнэдыкт XVI звярнуў увагу на абавязковасць чування над правільным вымярэннем справядлівасці ў Касцёле. 
«Вялікая евангелізацыйная праца патрабуе ўсё большай колькасці людзей, якія велікадушна адказваюць на заклік Бога і прысвячаюць сваё жыццё справе Евангелля», — падкрэсліў Святы Айцец Бэнэдыкт XVI у пасланні да ўдзельнікаў ІІ Лацінаамерыканскага кангрэсу пакліканняў. Кангрэс адбываецца з 31 студзеня па 5 лютага 2011 г. у Коста-Рыка.
Святы Айцец Бэнэдыкт XVI праз пасрэдніцтва Дзяржаўнага сакратара Яго Святасці кардынала Тарчызіо Бэртонэ выказаў спачуванні расійскаму народу ў сувязі з тэрактам, які адбыўся 24 студзеня 2011 г. у маскоўскім аэрапорце Дамадзедава. Спачувальная тэлеграма накіравана на імя Прэзідэнта Расіі Дзмітрыя Мядзведзева.
Адказна карыстацца Інтэрнэтам заахвоціў Святы Айцец Бэнэдыкт XVI хрысціян усяго свету ў пасланні на 45 Дзень сродкаў масавай камунікацыі. Па словах Папы, Інтэрнэт можа быць цудоўным сродкам евангелізацыі, аднак карыстанне ім патрабуе крытычнага падыходу, сведчання веры і абуджэння пытанняў, якія крыюцца ў чалавечай натуры.
На заслугі Філіпінскага Папскага ўніверсітэта св. Тамаша ў Маніле перад Касцёлам і народам указаў Святы Айцец Бэнэдыкт XVI у лісце да свайго пасланніка на ўрачыстасць 400-годдзя заснавання дадзенай навучальнай установы кардынала Зянона Грахалеўскага.
«Штодня ўзрастаць ва ўзаемнай любові, будучы зацікаўленым у пераадольванні тых перашкодаў, якія яшчэ існуюць паміж хрысціянамі» — да гэтага заахвочваў усіх людзей добрай волі Святы Айцец Бэнэдыкт XVI падчас сённяшняй катэхезы. Разважанні падчас агульнай аўдыенцыі 19 студзеня 2011 г. Папа прысвяціў Тыдню малітваў за адзінства хрысціянаў, які ўчора распачаўся. 
Святы Айцец Бэнэдыкт XVI заклікаў вернікаў памятаць аб хрысціянах, вымушаных пакідаць свае землі. Пантыфік нагадаў, што ў гэтую нядзелю (16 студзеня) адзначаецца Сусветны дзень мігрантаў і бежанцаў, што заахвочвае да разважання над цярпеннямі многіх людзей і сем’яў, якія шукаюць лепшых умоў жыцця. 
У першую гадавіну трагічнага землятрусу, які адбыўся на Гаіці 12 студзеня 2010 г., Святы Айцец Бэнэдыкт XVI накіраваў жыхарам вострава спецыяльнае пасланне салідарнасці і пажадання Божага благаслаўлення. З дакументам гаіцян азнаёміў спецыяльны пасланнік Папы, старшыня Папскай рады «Cor Unum» кардынал Робер Сара 12 студзеня 2011 г.
Святы Айцец скіраваў словы віншавання і пажаданняў Усходнім Цэрквам з нагоды свята Божага Нараджэння, якое яны адзначаюць 7 студзеня. Паводле слоў Папы, хрысціяне павінны ззяць, як дзеці святла, каб прыцягнуць ўсіх да прыгажосці Божага Валадарства.Усяго 161 матэрыялаў адзначана цэтлікам Папскія пасланні.
Пры выкарыстанні матэрыялаў сайта спасылка на Catholic.By абавязкова.
