Да будавання будучыні нашага кантынента вакол супольнасці каштоўнасцей заклікаў Святы Айцец Бэнэдыкт XVI прадстаўнікоў Рады Еўропы, з якімі сустрэўся 8 верасня 2010 г. Падчас сустрэчы Папа згадаў аб 60-годдзі прыняцця Еўрапейскай канвенцыі аб правах чалавека.

2 верасня 2010 г. Святы Айцец Бэнэдыкт XVI удзяліў аўдыенцыю Прэзідэнту Ізраіля Шымону Пэрэсу. Лідэр Ізраіля сустрэўся таксама з Дзяржаўным сакратаром Яго Святасці кардыналам Тарчызіо Бэртонэ. Падчас размовы Папа і Прэзідэнт узгадалі аб мінулагодняй пілігрымцы Пантыфіка ў Святую Зямлю.

24 мая 2010 г. Святы Айцец Бэнэдыкт XVI удзяліў аўдыенцыю Прэзідэнту Конга Дэні Сассу-Нгесса. Лідэр афрыканскай краіны сустрэўся таксама з Дзяржаўным сакратаром Яго Святасці кардыналам Тарчызіо Бэртонэ і сакратаром па адносінах з дзяржавамі Дзяржаўнага сакратарыяту арцыбіскупам Дамінікам Мамбэрці.

21 мая 2010 г. Святы Айцец Бэнэдыкт XVI удзяліў аўдыенцыю Прэзідэнту Дамініканскай Рэспублікі Леанэлю Фернандэсу. Падчас сустрэчы быў адзначаны ўнёсак Касцёла ў развіццё краіны, асабліва ў сферах асветы і санітарыі.

Аб глыбокім перажыванні каталіцкай веры, якое можа адкрыць абарончая служба для наступніка Пятра, казаў 7 мая 2010 г. Святы Айцец Бэнэдыкт XVI, сустракаючыся з новымі членамі Швейцарскай гвардыі Ватыкана і іх сем’ямі.

7 мая 2010 г. Святы Айцец Бэнэдыкт XVI удзяліў аўдыенцыю Прэзідэнту Грузіі Міхаілу Саакашвілі. Лідэр Грузіі сустрэўся таксама з Дзяржаўным сакратаром Яго Святасці кардыналам Тарчызіо Бэртонэ і сакратаром па адносінах з дзяржавамі Дзяржаўнага сакратарыяту арцыбіскупам Дамінікам Мамбэрці.

6 мая 2010 г. Святы Айцец Бэнэдыкт XVI упершыню ўдзяліў аўдыенцыю лідэру Кувейта, эміру Сабаху IV. Большасць жыхароў гэтай невялікай краіны, 87,5 %, вызнае іслам. Каталіцкія вернікі складаюць каля 6 % жыхароў. У краіне нясуць служэнне 10 святароў.

На неабходнасць сувязі эканамічнай дзейнасці з адказнасцю за чалавека, клопатам аб шанаванні яго годнасці, імкненнем да агульнага дабра ўказаў Святы Айцец Бэнэдыкт XVI падчас сустрэчы з членамі Папскай акадэміі грамадскіх навук, якая адбылася 30 красавіка 2010 г. У Апостальскай Сталіцы праходзіць XVI пленарнае пасяджэнне гэтай арганізацыі, прысвечанае аналізу глабальнага эканамічнага крызісу ў святле этычных праблем.

Няхай улады Дэмакратычнай Рэспублікі Конга імкнуцца пакласці канец вайне, якая яшчэ працягваецца ў некаторых правінцыях гэтай краіны, — заклікаў Святы Айцец Бэнэдыкт XVI у звароце да новага пасла Дэмакратычнай Рэспублікі Конга (Афрыка) у Апостальскай Сталіцы. Святы Айцец звярнуў увагу, што Конга перажывае зараз асабліва цяжкія і трагічныя хвіліны, а сляпое і бязлітаснае насілле, якое пануе там, сее знішчэнне і смерць.

Святы Айцец Бэнэдыкт XVI выказаў падзяку біскупам англамоўных краін за ўнёсак, які яны зрабілі ў новае тлумачэнне Рымскага Імшала. 28 красавіка 2010 г. Папа сустрэўся з членамі камітэта «Vox Clara», які займаецца пытаннямі цэлебрацыі літургіі лацінскага абраду на англійскай мове. На чале камітэта, падпарадкаванага Кангрэгацыі Божага Культу і Дысцыпліны Сакрамэнтаў, стаіць кардынал Джордж Пэлл з Сіднэя ў Аўстраліі.

Святы Айцец Бэнэдыкт XVI заклікаў македонскі народ узмацняць сваю духоўную адметнасць і рабіць унёсак у супольнасць еўрапейскіх народаў. Аб гэтым Папа сказаў у звароце да новага пасла Македоніі ў Апостальскай Сталіцы.

22 красавіка 2010 г. Святы Айцец Бэнэдыкт XVI удзяліў аўдыенцыю прыёру экуменічнай супольнасці з Тэзэ (Францыя) брату Алаізу, які прыбыў у Апостальскую Сталіцу з групай прадстаўнікоў супольнасці.