За кавай можна будзе паслухаць Божае слова і бліжэй пазнаёміцца з братамі капуцынамі і жыццём ордэна.

 

Падчас сёлетніх урачыстасцяў у Тракелях, як і ў Будславе, у спецыяльна адведзеным намёце можна будзе пакаштаваць каву, а таксама набыць яе. «Гатунак» кавы – «Marсo d’Aviano».

 

 

 

У 1683 годзе благаслаўлёны Марк з Авіяно падтрымліваў еўрапейскія войскі на чале з Янам ІІІ Сабескім у бітве з туркамі пад Венай. Дзякуючы ягонай малітве і гарачым, поўным веры і надзеі словам, сумесныя легіёны Польшчы і Аўстрыі перамаглі туркаў і выратавалі Еўропу ад Асманскай імперыі.

 

Пасля пераможнай бітвы жыхары Вены сустракалі ваяроў прыгатаванай кавай, якую здабылі ў турэцкіх лагерах. Яна здалася ім вельмі моцнай і яе разбавілі малаком, назваўшы капучына ў гонар бл. Марка з Авіяно – капуцына, таму што колер кавы нагадваў колер манаскага адзення братоў капуцынаў. З таго часу ўвесь свет ведае каву капучына з успененым малаком.