Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Сімвалы Божага Нараджэння: першая зорка
Рознае
16.12.2015 06:30
Першая зорка, без з’яўлення якой нельга было садзіцца за вігілійны стол, хіба была самай доўгачаканай зоркай сярод дзяцей і дарослых розных пакаленняў.

 

«Зорка ў начы», Дар'я Быцько

Калі ўсё да свята амаль падрыхтавана, хіба толькі застаецца паставіць апошнюю страву, запаліць свечку і ўзяць Біблію, якая ўжо разгорнута на патрэбнай старонцы з пасланнем ад св. Лукі (Лк 2, 1-14), то… Не хапае толькі яе — першай вядоўцы і, як пісаў у сваім вершы Рыгор Барадулін, паломніцы, — ці зоркі-пілігрыма, якая прыводзіць да сціплых ясляў не толькі каралёў, але і кожнага, хто хоча прыняць у сваё жыццё Збаўцу:

Паломніца зоркі над імі ішла,
Вяла каралёў пакланіцца.
А зорка была з незямнога святла,
Як зерне з Гасподняй сяўніцы.

                  Р. Барадулін. Верш «Паломніца»


«У нашай сям’і мы не чакалі першай зоркі», — адказваюць многія з сучаснай моладзі, а людзі старэйшага пакалення прыгадваюць, як у дзяцінстве праз кожныя пяць хвілін выбягалі на вуліцу, каб не прапусціць гэты запаветны момант з’яўлення. Або сядзелі, прыціснуўшы насы да халоднай шыбы, узіраючыся ў палотнішча неба, якое ўпрыгожвалі галіны яблынь, ігрушаў, вішняў з дзедавага сада.

«"З’явілася!" — радасна крычалі мы нашай бабулі, якая яшчэ сканчвала таўчы кашу, ці выцягвала з печы куццю, альбо крышыла зеляніну на селядзец. Сачыць за з’яўленнем зоркі — гэта быў нібыта пачэсны абавязак для самых малодшых», — прыгадвае зараз ужо сама даўно бабуля Вандзя.

Першая зорка, з’яўленне якой згодна з традыцыяй чакаюць 24 снежня, нагадвае пра Бэтлеемскую, пра якую ўзгадваецца ў Евангеллі паводле Мацвея (Мц 2, 9).

Лічыцца, што першая зорка – гэта сімвалічная назва нябеснага цела, якое з’явілася ў ноч нараджэння Збаўцы. Магчыма, гэта была планета.

Дзе і калі шукаць першую зорку ў 2015 годзе? Як кажуць астраномы, найлепш яе можна будзе пабачыць на ўсходнім цямнейшым гарызонце, калі змрок ахіне Зямлю і там, дзе вы будзеце сустракаць Божае Нараджэнне, будзе ціснуць хаця б невялікі мароз, які прагоніць хмары. Заўважыць яе можна будзе каля 18.00.

Чакайце і не прапусціце!

Аксана Ючкавіч

 

 

Пры выкарыстанні матэрыялаў сайта спасылка на Catholic.By абавязкова.

Рознае

31.05 11:34«Падарожжа дылетанта» ў вёску Раготна — беларускі Парыж шляхцічаў Завішаў
19.01 14:10Запісам калыханкі «Ціхая ноч» звычайныя матулі павіншавалі беларусаў з Божым Нараджэннем
17.01 10:59«Калядныя вечары на Залатой Горцы»: запіс канцэрта «Духоўныя традыцыйныя песні беларусаў»
08.01 06:58Рэкалекцыі на Catholic.by з ігнацыянскімі разважаннямі. Заканчэнне
06.01 00:00Рэкалекцыі на Catholic.by з ігнацыянскімі разважаннямі. Сёмая адвэнтавая антыфона
25.12 06:15Рэкалекцыі на Catholic.by з ігнацыянскімі разважаннямі. Пятая адвэнтавая антыфона
18.12 06:00Рэкалекцыі на Catholic.by з ігнацыянскімі разважаннямі. Чацвёртая адвэнтавая антыфона
11.12 06:02Рэкалекцыі на Catholic.by з ігнацыянскімі разважаннямі. Трэцяя адвэнтавая антыфона
06.12 09:43Перадкалядная акцыя місіі «Чыстае сэрца»: святы Мікалай дасылае віншаванні дзецям
04.12 07:09Рэкалекцыі на Catholic.by з ігнацыянскімі разважаннямі. Другая адвэнтавая антыфона