Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Распачынаецца кастрычнік — месяц ружанцовай малітвы
Каляндар
30.09.2014 11:44

Кастрычнік — месяц, які ў Каталіцкім Касцёле прысвечаны малітве Ружанца. Гэта малітва, спалучаная з роздумам пра падзеі з жыцця Езуса Хрыста і Панны Марыі, што ўтвараюць чатыры часткі Ружанца — радасныя, балесныя, хвалебныя таямніцы і таямніцы святла.

Да гэтай малітвы запрашаюцца дарослыя і дзеці, духоўныя і свецкія асобы. Маліцца Ружанец можна як у святынях, так і дома.

Спецыфіка малітвы Ружанца, якая базуецца на паўторы малітоўных формул, спрыяе падрыхтоўцы розуму і сэрца верніка да глыбокага разважання над падзеямі з жыцця Хрыста і Маці Божай. Падчас таямніц Ружанца адбываецца разважанне над пэўным выпадкам з жыцця Хрыста або Марыі і прамаўленне па 5 малітваў «Ойча наш», пасля кожнай з якіх ідуць 10 «Вітай, Марыя».

Святы Айцец Ян Павел ІІ у Апостальскім лісце «Rosarium Virginis Mariae» адзначаў, што Ружанец дайшоў «да пачатку новага, трэцяга тысячагоддзя, застаючыся вельмі дзейснаю малітвай, якая прыносіць плады святасці».

(AG)

 

Пры выкарыстанні матэрыялаў сайта спасылка на Catholic.By абавязкова.