| «Будзьма славіць Пана да світанку!»: кульмінацыя сустрэчы моладзі ў Івянцы |
| Беларусь - Мінска-Магілёўская архідыяцэзія |
| 27.07.2014 01:03 |
|
Патрыцыя Хурляк распавядала пра небяспеку магіі, чараўніцтва, амулетаў, якія вядуць да разбурэння чалавечай асобы. Тое, пра што гаварыла выступоўца, часта прыводзячы прыклады са свайго жыцця, адначасова здзіўляла і дапамагала зразумець сапраўдную пагрозу і вынікі модных акультных практык, якія часамі карціць паспрабаваць людзям. Свой вопыт у сферы магіі, што доўжылася і трансфармавалася ў новыя формы на працягу 20 год, Патрыцыя апісвае ў кнізе пад назваю «Вядзьмарка, якая навярнулася». Пра гэтую кнігу адзін са спевакоў, паляк Анджэй Рыбіньскі, напісаў: «Большасць з нас жыве згодна з прынцыпам: гуляй, душа, бо пекла няма. Я спадзяюся, што пасля прачытання гэтай цудоўнай кнігі большасць з нас зменіць свой падыход да жыцця. Існуе Бог і існуюць прынцыпы, якія выдатна трымаюцца ў жыцці». Удзельнікі малітоўнай сустрэчы ў Івянцы мелі магчымасць прачытаць «жывую кнігу» — паслухаць саму аўтарку, пасля канферэнцыі паразмаўляць з ёй, параіцца, а некаторыя прасілі аўтографы. Па завяршэнні канферэнцый усе разбегліся па круглых сталах. Хтосьці хацеў паслухаць пра малітву, хтосьці даведацца больш пра кардынала Казіміра Свёнтка, а хтосьці атрымаць парады ад мастака-фатографа, як рабіць шэдэўры. Пасля абмеркавання працы кожнага са сталоў на агульнай сустрэчы да моладзі далучыўся Мітрапаліт Тадэвуш Кандрусевіч. Іерарх заклікаў, каб моладзь памятала пра тое, што сустрэча ў Івянцы — гэта своеасаблівае пераўвасабленне Сусветнага дня моладзі, які ў свой час заснаваў святы Ян Павел ІІ. Таксама моладзь запыталася ў біскупа аб тым, калі з'явіцца беларускамоўная версія часопіса «Любите друг друга» і «Youcat», адзначаючы, што менавіта гэтыя выданні маглі б найлепш выконваць евангелізацыю сярод моладзі. «Так, гэта сапраўды дзейнічае», — адзначыў адзін з удзельнікаў. Дзень у Івянцы праходзіў цікава. Усім даспадобы прыйшоўся парафіяльны конь, на якім Мітрапаліт Тадэвуш Кандрусевіч прапанаваў пакатаць усіх ахвотных. Незвычайны кучар сёння зрабіў незвычайны падарунак пары маладых - Ганны і Антона, якія толькі што выйшлі з касцёла ў новым жыццёвым статусе, які пацвердзілі перад алтаром.
Аксана Ючкавіч
|
| Фотарэпартаж |
Ранішняя малітва на другі дзень Малітоўнай сустрэчы моладзі Мінска-Магілёўскай архідыяцэзіі ў Івянцы, 26 ліпеня 2014 г., перайшла адразу ў канферэнцыю, якую Ян Паспяшальскі праводзіў у касцёле. Над тэмай «Благаслаўлёныя ўбогія духам», сапраўды, было лепш разважаць у святыні, каб больш услухацца і засяродзіцца, адзначала моладзь пасля.
для друку
