14 верасня 2014 г. на святой Імшы ў 12.00 адбудзецца перадача мінскай парафіі Св. Яна Евангеліста і св. Максімільяна Марыі Кольбэ ад францішканаў канвентуальных да хрыстусоўцаў.

На замену а. Аляксандру Уласу OFMConv новым пробашчам парафіі стане а. Алег Шпец TChr.

Таварыства Хрыста для палякаў эмігрантаў (хрыстусоўцы) — супольнасць, якая створана для таго, каб спрыяць захаванню польскай культуры сярод палякаў, якія жывуць па-за межамі Польшчы. Па ўсім свеце супольнасць налічвае каля 430 святароў, якія размеркаваны па шасці правінцыях. У гэтай супольнасці служаць пяць беларусаў.

(AYU)