На Магілёўшчыне стала традыцыяй у актаву ўспаміну ўсіх памерлых вернікаў збірацца на малітву за духавенства рэгіёна, якое адышло ў вечнасць. 3 лістапада ў катэдральным касцёле Магілёва сабраліся з гэтай нагоды святары з Магілёўскага дэканату, Асіповічаў і Бабруйска, а таксама кансэкраваныя асобы.

Святую Імшу за спачылае духавенства ўзначаліў а. Ежы Вежхоўскі CMF з парафіі Св. Антонія ў Магілёве. Гамілію прамовіў кс. Юрый Быкаў, дэкан Магілёўскага дэканату і адміністратар з правамі пробашча парафіі Унебаўзяцця Найсвяцейшай Панны Марыі і св. Станіслава.

Паводле сайта Магілёўскага дэканату

(AG)