Гэта архіў старой версіі сайта. Новая версія знаходзіцца па адрасе catholic.by
| Распачаў працу сайт парафіі Божага Цела ў Нясвіжы |
| Беларусь - Мінска-Магілёўская архідыяцэзія |
| 06.11.2014 12:50 |
|
Парафіяльны сайт касцёла ў Нясвіжы дасяжны па адрасе www. niasvizh-kasciol.by. Касцёл у Нясвіжы вядомы ў першую чаргу сямейнай пахавальняй Радзівілаў, якая захавалася ў крыпце святыні.  Сёння ў крыпце стаіць 71 труна (адна з якіх, рытуальная, пустая) — гэта трэцяя па колькасці сямейная пахавальня ў Еўропе. Урну з прахам 72-га прадстаўніка Радзівілаў — князя Антонія з Лондана — замуравалі ў сцяну пахавальні ў адпаведнасці з ягоным тэстамэнтам у 2000 годзе. Аднак звесткі пра колькасць трунаў у розны час фіксаваліся абсалютна розныя. У 1905 годзе камісія налічыла 78 саркафагаў. У польскай манаграфіі 1937 года гаворыцца пра 102 труны. За савецкім часам саркафагаў было нібыта 90. Яшчэ раней трапляецца лічба 120. Дзе падзеліся астатнія і ці былі яны, дакладных звестак няма. Паводле адной з версій, частка саркафагаў згінула ў час вайны. Першым, хто спачыў тут, быў сам Сіротка. Год ягонай смерці — 1616. Ствараючы пахавальню, Сіротка пакінуў два простыя правілы адносна крыпты. Па-першае, там павінны былі быць пахаваныя выключна Радзівілы. Па-другое, хаваць людзей належала ў простым адзенні і без багаццяў — каб праз стагоддзі ні ў кога не ўзнікала спакусы разрабаваць труны. Сіротка і сапраўды спачыў у сваім плашчы пілігрыма — як сімвал знакавай вандроўкі да Святой Зямлі. Труну князя неслі ад замка да касцёла жабракі з усёй акругі. З таго часу ў крыпце была пахаваная большасць прадстаўнікоў слаўнага роду. (JLS) |
Версія сайта дасяжная на беларускай, рускай і англійскай мовах. Акрамя
апошніх аб’яў і падзей з жыцця парафіі на сайце можна знайсці інфармацыю
пра гісторыю касцёла, а таксама даведку адносна экскурсій.
для друкуПры выкарыстанні матэрыялаў сайта спасылка на Catholic.By абавязкова.
