Двума новымі парафіяльнымі сайтамі папоўнілася электронная карта каталіцкіх парафій Беларусі.

Свае сайты запрацавалі ў парафіі Найсвяцейшай Тройцы (Св. Роха) на Залатой Горцы ў Мінску (www.roch.by) і парафіі Св. Юзафа ў Рубяжэвічах (www.swjozef.by).

Абодва сайты ўтрымліваюць інфармацыю пра гісторыю парафіяльных святыняў, актуальныя звесткі пра расклад нядзельных Імшаў і пастырскія аб’явы на тыдзень. Ёсць абнаўленні і ў раздзеле «Навіны».

Акрамя фотаздымкаў з жыцця парафіі, кожны з сайтаў мае і свае адметнасці: аўдыёматэрыялы і шпалеры на працоўны стол прапануе сайт парафіі ў Рубяжэвічах, а залатагорскі інтэрнэт-партал заахвочвае наведвальнікаў да прагляду парафіяльных відэаматэрыялаў, сярод якіх — калядныя батлейкі і навагодняе віншаванне для парафіян.

(JLS)