4 чэрвеня, ва ўрачыстасць Найсвяцейшага Цела і Крыві Хрыста, у нясвіжскай парафіі адбыўся парафіяльны фэст. Ва ўрачыстасці ўдзельнічаў дапаможны біскуп Мінска-Магілёўскай дыяцэзіі Юрый Касабуцкі, а таксама запрошаныя святары кс. Аляксандр Вітко, пробашч парафіі Св. Юзафа ў Гарадзеі, кс. Аляксандр Тарасевіч, пробашч парафіі Св. Пятра і Паўла ў Капылі.

Падчас святой Імшы 24 чалавекі, у тым ліку два з суседняй парафіі ў Гарадзеі, прынялі сакрамэнт канфірмацыі.

Іерарх у гаміліі заклікаў вернікаў, а асабліва канфірмаваных, да выразнага сведчання сваёй веры.

Напрыканцы Імшы адбылася эўхарыстычная працэсія па вуліцах горада.

Усяго ва ўрачыстасці прыняло ўдзел больш за 500 чалавек.

Кс. Андрэй Калядка