13 чэрвеня падчас прысягі ваеннаслужачых 50-й змешанай авіяцыйнай базы ў Мачулішчах дэлегаваны Мітрапалітам Мінска-Магілёўскім арцыбіскупам Тадэвушам пробашч мінскай парафіі Св. Сымона і св. Алены ксёндз дэкан Уладзіслаў Завальнюк маліўся і благаслаўляў усіх прысутных.

У сваёй прамове да прызыўнікоў святар падкрэсліў:

"Паважаныя прызыўнікі, сыны Беларусі! Сёння, падчас прыняцця прысягі, вы ўпершыню адчулі вялікую адказнасць за Бацькаўшчыну перад сваімі блізкімі, перад сваім народам. Вы сапраўды сталі дарослымі. І маё пажаданне, каб гэтая прысяга была складзена вамі не толькі на два гады службы ў арміі, але каб і на ўсё жыццё вы заставаліся вернымі сынамі сваёй Радзімы, бераглі і захоўвалі сваю зямлю."

Да неба! Да неба! Да неба брам! Ксёндз Уладзіслаў Завальнюк у кабіне пілота.

Даслала Наталля Лаўрэнка (АлГ)