25 лістапада чыгуначнікі г. Маладзечна ўшанавалі сваю апякунку – святую Кацярыну Александрыйскую.

Святкаванне пачалося святой Імшой у парафіі Св. Юзафа, якую ўзначаліў кс. Міхал Бубен, душпастыр чыгуначнікаў у Маладзечне. У гаміліі святар разважаў над тым, як важна ў будаванні прафесійнай супольнасці засноўвацца на хрысціянскіх духоўных каштоўнасцях.

Пасля Імшы ў сямейнай атмасферы адбыліся пачастунак і сустрэча, падчас якой былі абмеркаваны планы душпастырскай дзейнасці на бягучы год, а ўдзельнікі пілігрымкі ў Рым падзяліліся сваімі ўражаннямі і фотапрэзентацыяй з агульнай аўдыенцыі ў Папы Францішка.

(AG)