19 снежня ў «Школе сямейнага жыцця» ў Мінску гасціў дапаможны біскуп Мінска-Магілёўскай архідыяцэзіі Юрый Касабуцкі. Іерарх наведаў аплаткавую сустрэчу, каб разам з навучэнцамі раздзяліць радасць надыходзячых святаў. На пачатку сустрэчы слухачы школы падрыхтавалі тэатралізаванае прадстаўленне, якое распавяло пра таямніцу Божага Нараджэння.

Навучэнцы сыгралі асобаў, звязаных з Божым Нараджэннем, каб кожны з прысутных мог прасякнуцца атмасферай надыходзячых святаў і ў якасці гледачоў прыняць удзел у гэтым вялікім здарэнні.

Таксама навучэнцы склалі святочныя віншаванні іерарху і выкладчыкам «Школы хрысціянскага жыцця». Пасля звароту біскупа адбылося дзялення аплаткай.

Гэта ўжо чацвёрты раз, калі ў перадсвяточны час «Школу сямейнага жыцця» наведвае біскуп, раздзяляючы з навучэнцамі радасць Нараджэння Пана.

А. Пётр Фраштэнга OCD