30 красавiка адбылася пiлiгрымка супольнасцi «Хатнi Касцёл» руху «Святло – Жыццё» Мiнска-Магiлёўскай архідыяцэзii да Брамаў Божай Мiласэрнасцi ў Нацыянальны санктуарый Маці Божай Будслаўскай.

Сем'i супольнасцi з Мiнска, Магiлёва i Маладзечна разам з малiтоўнай групай з парафii Св. Зыгмунта Лазiнскага ў Баранавiчах пад кiраўнiцтвам дыяцэзiяльнага мадэратара супольнасцi кс. Паўла Шылака, мадэратараў колаў супольнасцi з Магiлёва i Маладзечна а. Вiталiя Чабатара CMF i а. Анатоля Ярошкі OFMCap прайшлi праз Брамы Мiласэрнасцi i распачалi сустрэчу ружанцовай малiтвай.

На Эўхарыстыi, якую ўзначалiў кусташ санктуарыя Мацi Божай Будслаўскай а. Вiктар Бурлака OFM, да сем'яў далучылiся прадстаўнiкi супольнасцi «Каштоўная пярлiна» разам са сваiм мадэратарам кс. Iрынэушам Копачам, прадстаўнiкi «Хатняга Касцёла» з Украiны i будслаўскiя парафiяне.

У гамiлii кс. Iрынэуш Копач звярнуў увагу прысутных на тое, што сям'я, так званы «хатнi Касцёл», – гэта найлепшае месца для пачатку евангелiзацыi, і на тое, што неабходна рабiць хаця б малыя ўчынкi ў справе евангелiзацыii свайго асяроддзя, бо яны могуць прынесцi вялiкi плён.

Пасля перапынку на размовы адбылася канферэнцыя на тэму «Анёлы – нашыя сябры», якую правёў прадстаўнiк малiтоўнай групы з Баранавiч.

Абед для ўдзельнiкаў сустрэчы – агапэ – прыгатавалi сем'i з Мiнска.

Малiтоўная частка сустрэчы завяршылася сумеснай малiтвай Вяночка да Божай Мiласэрнасцi ў iнтэнцыi сем'яў супольнасцi «Хатнi Касцёл».

На завяршэнне сустрэчы мужчыны з супольнасцi i малiтоўнай групы праспявалi па шматгадовай традыцыi песню «Як гэта хораша й мiла жыць у любовi братняй!».

Сем'i ўдзячныя а. Вiктару Бурлака OFM за гасцiннасць i малiтоўнай групе з парафii Св. Зыгмунта Лазiнскага за сумесную малiтву.

Таксама супольнасць «Хатнi Касцёл» Мiнска-Магiлёўскай архiдыяцэзii запрашае ўсе супольнасцi руху «Святло – Жыццё», якiя iснуюць у Беларусi, на сумесную сустрэчу ў Будславе праз год.

Наступная сустрэча супольнасцi адбудзецца ў пачатку верасня, дата i месца будуць вызначаны пазней.

Алена i Аляксандр Латушкiны
Фота Алены Латушкiнай