Сёлета ў Будслаў прыбылі больш за 2,5 тысячы пешых пілігрымаў

Беларусь - Мінска-Магілёўская архідыяцэзія

02.07.2009 01:52

Кожны год цудадзейны абраз Маці Божай у Будславе збірае вакол сябе пілігрымаў з усіх куткоў Беларусі, а таксама вернікаў з іншых краін. 1 і 2 ліпеня – свята Маці Божай Будслаўскай, і адпустовыя ўрачыстасці ў межах гэтага свята – гэта сапраўды вялікая падзея як для ўсёй каталіцкай Беларусі, так і для кожнага верніка, які прыходзіць да Маці Божай за суцяшэннем і дапамогай. 2009 год не стаў для Будслава выключэннем. 1 ліпеня, пачынаючы з 12.00, да Нацыянальнага санктуарыя ў Будславе пачалі прыходзіць пілігрымкі. Кожную з іх перад уваходам у святыню сустракаў кусташ санктуарыя кс. Віктар Бурлака — вітаў цёплымі словамі, акрапляў вадой і благаслаўляў. Пасля гэтага стомленыя, але шчаслівыя пілігрымы ўрачыста ўваходзілі ў святыню, каб схіліцца перад абразом Маці Божай Будслаўскай, якая чакала іх, сваіх дзяцей, каб агарнуць сваёй бязмежнай любоўю. У гэтым годзе, як і раней, у Будслаў прыбылі не толькі пешыя пілігрымы, але і вернікі на веласіпедах. Завіталі і госці з Польшчы і ЗША на матацыклах. Усе яны вырушылі ў шлях да Маці Божай Будслаўскай са сваімі інтэнцыямі, з надзеяй і верай на дапамогу і суцяшэнне. Згодна з данымі, прадстаўленымі кс. Віктарам Бурлакам, удзельнікамі сёлетніх урачыстасцяў у Будславе стала наступная колькасць пілірымаў: Мінска-Магілёўская архідыяцэзія: Жодзіна–Будслаў — 115 чалавек Мінск–Будслаў (на веласіпедах) — 8 чалавек Ракаў–Будслаў — 70 чалавек Нарач–Будслаў — 180 чалавек Вілейка – Будслаў — 100 чалавек Маладзечна – Будслаў — 250 чалавек Магілёў – Будслаў — 15 чалавек Мінск – Будслаў — 350 чалавек Несвіж – Будслаў — 30 чалавек Віцебская дыяцэзія: Віцебск – Будслаў — 136 чалавек Мёры – Будслаў — 100 чалавек Полацк – Будслаў — 110 чалавек Друя – Будслаў — 122 чалавек Браслаў – Будслаў — 141 чалавек Глыбокае – Будслаў — 223 чалавек Паставы – Будслаў — 140 чалавек Варапаева – Будслаў — 116 чалавек Відзы – Будслаў — 30 чалавек Пінская дыяцэзія: Баранавічы – Будслаў — 250 чалавек Байкеры з Польшчы і ЗША — 30 чалавек