«Бясплоднасць — гэта сімптом, калі пара не можа зацяжарыць на працягу года. Бясплоднасць — не хвароба», — адзначыла ў размове з карэспандэнтам Catholic.by урач-гінеколаг Таццяна Ермаловіч, адна з выступоўцаў семінару па праблемах бясплоднасці, які прайшоў у мінскім Чырвоным касцёле 22 лістапада.

Паводле слоў гінеколага, цяжкасці з зачаццем здараюцца нават у выпадку, калі абое сужэнцаў здаровыя. Асноўная ж прычына бясплоднасці — у паталогіі яічнікаў і сперматазоідаў.

Урач звярнула ўвагу на тое, што 90 працэнтаў выпадкаў, якія прыходзяцца на бясплоднасць жанчыны — гэта непраходнасць матачных трубаў, што зазвычай абумоўлена перанесенымі венерычнымі захворваннямі. Такога кшталту «расплата» за безразборлівае палавое жыццё да шлюбу.

Таццяна Ермаловіч зазначыла, што калі пара веруючая, то звычайна гэта заўважна.

«Вядома, я не пытаюся ў маіх пацыентаў такія рэчы, але калі пара верыць у Бога, то гэта заўважна. Веруючыя — трохі іншыя. Калі яны сапраўды веруючыя, то не выкарыстоўваюць кантрацэпцыю і не дапускаюць перарыванне цяжарнасці», — сказала ўрач Ермаловіч.

Ілья Лапато

Таксама па тэме:

• «Метад ЭКА — сапраўдны эксперымент над геномам чалавека»: гінеколаг Васілеўскі на семінары ў Мінску

• Арцыбіскуп Кандрусевіч на семінары, прысвечаным бясплоднасці: «Навука і рэлігія павінны дапамагаць адно аднаму»