8 снежня, ва ўрачыстасць Беззаганнага Зачацця Найсвяцейшай Панны Марыi, у катэдральнай базыліцы Унебаўзяцця Найсвяцейшай Панны Марыі ў г. П'ячэнца (Італія) біскуп Джанні Амброзіо ўдзяліў дыяканскае пасвячэнне 7 навучэнцам Каледжыо Альбэроні – Вышэйшай духоўнай семінарыі дыяцэзіі П'ячэнца-Боббіо, сярод якіх быў таксама Аляксей Ляшко з Віцебскай дыяцэзіі.

Дыякан Аляксей нарадзіўся 21 верасня 1980 г. у Віцебску. Пасля заканчэння сярэдняй школы скончыў юрыдычны факультэт Віцебскага дзяржаўнага ўніверсітэта. У 2008 годзе паступіў ў Каледжыо Альбэроні.

Каледжыо Альбэроні заснаваў 13 ліпеня 1732 г. кардынал Джуліо Альбэроні са згоды Папы Клімента VII. Выкладчыкамі і апекунамі семінарыі з’яўляюцца айцы з кангрэгацыі місіянераў св. Вінцэнта дэ Паолі. Узгаданую семінарыю скончылі два святары Віцебскай дыяцэзіі: кс. Раман Мурзіч і кс. Аляксей Асон.

У гаміліі ў дзень пасвячэння біскуп Джаннi Амброзіо падзякаваў дыяканам за тое, што яны, па прыкладу Панны Марыі, сказалі Пану Богу сваё “так” і выказалі жаданне служыць Яму праз усё сваё жыцце. Біскуп заахвоціў памятаць, што дыяканат — гэта перадусiм служба. "Дыяканат - гэта стыль жыцця для служэння ўсім братам, і аб гэтым варта памятаць і дыякану, і святару, і біскупу", - падкрэсліў іерарх.

(JM)