Гэта архіў старой версіі сайта. Новая версія знаходзіцца па адрасе catholic.by
| Параф'янаўскія католікі ўсталявалі новы крыж |
| Беларусь - Віцебская дыяцэзія |
| 19.05.2014 13:32 |
|
Каб прыбраць стары крыж і паставіць новы, працавалі пятнаццаць чалавек. Плануецца падвезці зямлі і пасадзіць вакол кветкі. Святар асвеціць крыж і будзе цэлебраваць пад крыжам Імшу. Летась у вёсках, што належаць да параф’янаўскай парафіі, паставілі некалькі новых крыжоў, бо старыя, якія стаўлялі ў першыя гады незалежнасці, ужо спарахнелі. Ксёндз Раман Мурзіч, параф'янаўскі пробашч, таксама ўзяўся парадкаваць местачковыя і вясковыя могілкі. Новы крыж збіраюцца ставіць у Параф’янаве і праваслаўныя, стары прыбралі некалькі тыдняў таму. Багата дзе ў Гродзенскай вобласці праваслаўныя і католікі ставяць свае крыжы побач, абгароджваюць супольным плотам.
Тэкст і фота Кастуся Шыталя, паводле westki.info |
У мястэчку Станцыя Параф’янавa (Докшыцкі раён Віцебскай вобласці) 16 мая каталіцкія вернікі ўсталявалі новы крыж. Ён стаіць на галоўнай вуліцы, на месцы старога, які спарахнеў.
для друкуПры выкарыстанні матэрыялаў сайта спасылка на Catholic.By абавязкова.
