Другі дзень Х Міжнароднай канферэнцыі “Праблемы ўрачэбнай этыкі ў сучасным свеце”, якая праходзіла ў Віцебску 22-23 мая, пачаўся Імшой у касцёле Святога Духа, якую цэлебраваў біскуп Алег Буткевіч разам са святарамі Віцебскай дыяцэзіі і гасцямі з Апостальскай Сталіцы монсеньёрам Аўгусто Кендзі і монсеньёрам Андрэа Піо Крысціяні.

Адбылося асвячэнне новай капліцы ў памяшканні Абласнога радзільнага дома №1, якое здзейсніў біскуп Алег Буткевіч разам са святарамі дыяцэзіі і гасцямі з Ватыкана, і хрост дзіцяці, якое нарадзілася там некалькі дзён таму. Дэлегаты канферэнцыі пазнаёміліся з працай медыкаў у гэтай установе, паразмаўлялі з пацыенткамі і іх роднымі. Прадстаўнікі Папскай рады пастырства работнікаў сферы аховы здароўя адзначылі высокі ўзровень аказання медыцынскай дапамогі і шчырыя адносіны медыкаў да жанчын і немаўлят, высокі ўзровень ведаў віцебскіх медыкаў і сучаснае абсталяванне радзільнага дома.

Монсеньёр Аўгусто Кендзі ад імя Папскай рады падзякаваў медыкам за высокую духоўнасць і прафесіяналізм і ўручыў медаль “Добры Самаранін” галоўнаму ўрачу Алене Леановіч і намесніку галоўнага ўрача Людміле Рослік.

У канферэнц-зале аблвыканкама працягнулася выступленне з дакладамі медыкаў з Беларусі, Італіі, Шры-Ланкі і іншых краін. На заканчэнне біскуп Алег Буткевіч благаславіў усіх удзельнікаў канферэнцыі і пажадаў плённай працы дзеля хворых і церпячых.

Напрыканцы працы канферэнцыі яе ўдзельнікі наведалі Віцебскую абласную дзіцячую клінічную бальніцу, сустрэліся з галоўным урачом Аляксандрам Пяткевічам і супрацоўнікамі.

Усе падзеі канферэнцыі неслі асноўную думку: хворыя і церпячыя - гэта вобраз Хрыста ў нашым кожную хвіліну.

Багуслаў Сіпайла